再奪本地男歌手獎 許廷鏗：2021年一開始就有好「回報」

加油！再接再厲！

許廷鏗（Alfred）在2020年樂壇頒獎禮橫掃多個獎項，不但首奪《叱咤》男歌手金獎，其唱片更獲港台頒發「最佳中文唱片」大獎。

許廷鏗之前奪「叱咤樂壇男歌手金獎」勁興奮。

Alfred橫掃多個音樂頒獎禮，樂壇成績表非常優異，令他忍唔住哭出來。

今日（26日），Alfred再下一城首次奪得「Yahoo 搜尋人氣大獎 2020 - 本地男歌手」獎，他開心表示2021年一開始就有好「回報」，是累積起來的嘉許和鼓勵。

許廷鏗首奪【Yahoo搜尋人氣大獎2020】男歌手獎。

Alfred還自認幸運，出道至今一直有好多粉絲眷顧，感嘆若沒有大家的支持，自己所做的都是虛有：「一直以來自己對男歌手的定義，是很專注做好自己的藝術，無論是唱歌的能力或是表演的張力，這是一個門檻，是歌手的基本，我希望在不同場合，做到一個男歌手，用聲音說服別人。」

許廷鏗攞獎攞到手軟。

回想過去一年，Alfred學識影相和廚藝大進步，他搞笑望望自己的肚皮表示：「我本人好鍾意食，所以先會煮嘢食，多多嚟，少少無拘，應該頂得住！」

許廷鏗喺疫情下經常親自炮製美食。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。