前男友求復合但停自動繳費 港女：斤斤計較自相矛盾

網民指：無分錯手

情侶分手最怕藕斷絲連，有女網民在「親子王國」討論區內發文批評，拍拖10年的前度男友一邊請求復合，卻又一邊取消以往代繳的自動轉賬設定，她認為對方斤斤計較，而且自相矛盾。

有女網民指前男友一邊請求復合卻一邊取消自動代繳費。示意圖片

女網民指，分手後男方一邊求復合，一邊取消過去代她繳費的自動轉賬，男方覺得是兩件事，說不應該花費的錢就要停。女網民透露，都是電話費及上網費，男方早年嫌煩及想賺積分所以代繳，幫手交幾百蚊，就一直受語言欺凌，「我自己覺得，如果咁想同返對方一齊，唔會咁急去cut哂啲自動轉賬囉」，「分手就是因為頂唔到佢斤斤計較的性格，真係無分錯手」。

Getty圖片

女網民又抱怨，「男人仲口口聲聲話好愛我，我真係半點都feel唔到，跟咗佢10年，忍足佢10年，洗一蚊都鬧，食飯食剩又話浪費...無名無份跟咗佢10年，人地離婚都可以話拎贍養費，我係咩都無，過去10年，就係送咗兩部手機係叫最貴，其餘咩都無。」

有網民留言奉勸早日一刀兩斷，覺得「咁嘅男人。 可忍十年？ 如唔求你復合，幾難揾第二個。仲想你養佢？」、「分手就唔好再講佢了，放唔低嘅就一齊返。咁嘅男人都跟到10年，唔好再浪費青春啦，單身都起碼唔會俾人鬧啦。」

Getty圖片

有人認為雙方都無錯，只是價值觀不同，「樓主同男朋友性格南轅北轍，一個孤寒計較，唔喜歡別人響自己身上搵着數，另一個貪小便宜，喜歡響人哋身上搵着數.....咁樣點會合得來，早啲分手，放過大家。」、「我覺得理性地係可分開兩件事，你無錯佢亦無錯。你應該同佢講，除咗愛之外，日後行落去面對生活亦有好多野要有共同的想法及一致的目標，你就係唔鐘意佢斤斤計較，洗錢都要佢管，俾佢鬧，已經用了10年的時間同佢去配合、最終都係頂唔住。既然分手後便立即cut自動轉帳，即係佢一直以來唔願意幫你去承擔的，那麼他是因為十年的感情及習慣而不捨得你嗎？」

不過有人認為，「做乜仲要幫你交」、「分咗手仲要幫你交自動轉賬? 你都好唔知醜喎，還要係到呻」。

有女網民指前男友一邊請求復合卻一邊取消代繳費。示意圖片

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區