周身街數被公開追還錢 張致恆貼文呻冇工開賣慘

有借有還先係上等人

年半前，曾被爆一腳踏五船的張致恒（Steven）跟Fans雯雯結婚並誕下兒子「天寶」，由於賤男形象極差令他冇工開，要養家嘅Steven被指要周圍借錢，關智斌及鄭希怡亦共借出10萬元給他解困。

網上圖片

關智斌及鄭希怡亦共借出10萬元給Steven解困。

爭人錢又冇能力搵錢，但曾坦認「性上癮」的Steven唔肯做安全措施，老婆於去年六月再為Steven誕下幼子天牧，當時Steven誓神劈願組織四人家庭會後修心養性努力工作養家。

Steven育有兩子分別係就嚟兩歲的長子張天寶，及7個月大次子張天牧。

36歲的Steven最近被爆出欠下周身債，Model馮鎵瀠（Naomi）昨晚（26日）在IG的Story開名鬧爆Steven未還錢，因為無限期停業，好窮的Naomi留言Tag Steven:「你係唔係諗住唔還錢？你講過分期還？年半多，一毫子都無還過我，之前仲unfollow我ig。」女方接住Post的Story還透露自己真係好窮，爭佢錢嘅人唔該快啲還錢。

馮鎵瀠（Naomi）。

Naomi公開呼籲爭佢錢嘅人快啲還錢。

Naomi在ig Story公開問Steven係咪唔諗住還錢？

Steven在社交網撰長文回應欠債事件，他指一年多前因自己做錯事，令到自己工作完全停頓，當時完全冇收入，迫於無奈問好多朋友借錢，也好感恩有好多朋友出手相助先捱得過一段時間，也試過搵過好多工，做過好多不同行業。他說：「疫情影響底下被炒過好多次，我有努力工作搵錢，希望可以支撐到屋企之餘仲可以還到錢俾朋友，但係而家的路實在太難行，工作完的收入都唔夠屋企開支，想淨少少錢還俾朋友都唔得，令到有好多朋友都好唔開心，我喺度要同所有借過錢俾我的朋友道歉，一直以來我都還唔到錢俾你地真係對唔住，喺嚟緊嘅日子我一定會盡力去工作還錢俾你地！」

Steven又解釋傭人在兩年前聘請，太太所買的電器以電話儲下的積分換取，而兒子所穿的服裝不是名牌，玩具和衣服大多是外婆及朋友送贈。再指因為養了三隻狗不能跟父母住屋邨而租住村屋，「照顧一個家庭壓力非常之大，我亦都好努力去重新做人，只係希望大家可以俾啲機會我同埋俾啲時間我，我一定唔會再令到大家失望！」晒可憐「賣小強」的貼文亦獲關智斌畀Like。

Steven的愛犬。

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。