女網民希望大家搭的士時提高警惕及引以爲戒。
有女網民稱，與2名女乘客一同從赤柱乘坐網約的士前往筲箕灣，期間遇上男司機言語性騷擾，行車期間還左搖右擺及兜路，令她又怒又慌並去交通投訴組作出投訴，形容「又污糟又猥瑣，仲要講埋啲咁嘅嘢，又行錯路，我哋真心驚」。
網民出示乘坐的士記錄。網民圖片
「筲箕灣人筲箕灣事」有女網民發文，指3人在的士車廂閑談，胖漢司機中途搭訕，女乘客談論到失業問題，說好久都找不到工作、無錢可花。女網民說，司機竟然「叫我返屋企執劑老公，再叫老公俾錢」，3人於是假裝聽不到繼續閑談，司機再次搭訕，再講多一次「你咪返去執你老公一劑，當交功課，叫你老公俾錢你洗咪得囉」，3人覺得被人性騷擾，隨即閉嘴無視男司機。
網民投訴遭的士司機性騷擾。示意圖片
女網民又指，途中經過多彎山路，「條友都唔知識唔識揸車，基本上係一直保持喺兩條行車線嘅中間，而且每次向右轉彎嘅時候，基本上係逆線行駛，有幾次喺我們轉彎嗰陣，對面線有車轉過嚟，嗰架車都要慢行等佢扭返去原本條線，先可以行到，如果對面架車行得快嘅話，我諗我哋唔死都重傷」，即使去到筲箕灣，司機仍然騎住兩邊行車綫，女網民質疑「究竟呢個人個車牌點考返嚟，我哋嚴重覺得人身安全受到影響」
資料圖片
女網民又批評，男司機完全不認得路，明明在耀東邨停低落客後應該往太安樓，卻繞去西灣河街市，令她十分驚慌，於是與另一位女友人在街市落車行回家。女網民希望其他網民搭的士時提高警惕及引以爲戒。
設計圖片
有網民建議女事主致電1823向警方投訴並有心理準備上庭作供，或向電召的士公司投訴。
