CY係時候要惡補下廣東歌喇。
《全民造星III》嘅CY（陳澤言）入行前喺酒廊任職Bartender，酒廊有得唱卡拉OK，理應日日返工聽歌聽到嘔，加上CY在訪問中多次提到自己好鍾意唱歌，「唔好話想做歌星，我想做一個歌手。」
影片截圖
斷估CY應該聽歌無數，仲應該可以出口成「歌」，所以《頭條娛樂》就搵嚟8首曾經奪《叱咤》專業推介及至尊歌曲如《K歌之王》、《七友》、《愈吻愈傷心》甚至師兄姜濤的《蒙著嘴說愛你》嚟考考CY，仲設三次Check歌詞規則以防佢突然腦閉塞，好一個神經刀，唱到擰晒頭嗌晒救命，當事人仲扭晒計狂呻，「唔好成日整蠱我啦。」
影片截圖
影片截圖
相信呢個大考驗令CY受到相當大嘅打擊。
鍾意唱歌又成日聽歌唔代表好熟歌詞，見到CY唱到口啞啞又擰晒頭，其實好好笑。