加油！
《全民造星III》已完結超過一個月，十強選手CY（陳澤言）亦有新搞作，他昨晚在社交網發文表示：「等咗9578547756日… 搞咩呢？開估啦！就係拍（YouTube）Channel預告片，好開心終於面世，神經刀CY YouTube Channel 即日上架！」約40秒的片段中，CY一反平時的「神經刀」形象坐定定拍片，不過依然夠晒搞笑，他表示：「其實有一刻我真係有諗過唔搞（YouTube Channel）㗎，因為實在太多嘢要準備嘞！」頻道開設一日，點擊率只有1196，訂閱人數580，成績麻麻，CY要畀心機嘞。
頻道開設一日，點擊率暫時有1196次，訂閱數就有580人，CY要畀心機嘞。
CY向粉絲收集新片主題。
CY亦呼籲Fans可以留言提議新片內容，擁有一把靚聲的他，收到大量提議唱歌的留言。其實CY在比賽完結之後都有好多機會表演唱歌，亦有份主持，在昨晚播出的ViuTV節目《囝囝女女730》中更與許廷鏗合唱《無力感》。CY透露YouTube Channel獲好多朋友幫手，除了有擔任經理人的姑姐外，Logo更是由一位非常有心的Fans設計，聽到都覺得好Warm呀。
CY昨晚在ViuTV節目《囝囝女女730》與許廷鏗合唱《無力感》。
CY宣布拍YouTube報答Fans嘅期待。