湯洛雯忽然出Po嘆遇荊棘 網友「召喚」馬國明撐住

靚湯有感而發於IG留言，話遇到荊棘和坎坷。

湯洛雯（靚湯）與馬國明（馬明）自去年6月公開戀情後，愈愛愈高調，仲經常於社交網站隔空傳情閃盲一班網民，難怪拍拖一年未夠便屢傳婚訊。

靚湯與馬明自去年6月公開戀情後，屢傳婚訊。

早前，有報道指兩人將於今年拉埋天窗，湯爸更以靚湯名義購入約2千呎的馬鞍山雲海別墅Lily Avenue單號別墅，作為超豪嫁妝，後來靚湯也於IG Story放聲氣，揚言：「既然你哋咁想，如果，我係話如果呀吓，佢今年冧莊（視帝），就結啦！」

靚湯在元旦許下的願望。

可惜獲全城集氣，馬明最終都失落今屆視帝，無法「找數」的靚湯近日接受邵氏節目《Master s Talk》時，就大呻被催婚催到厭，仲忍唔住開口話：「人哋都未求婚，咁我點答你啫？訂婚一定會講，大家唔使再問，一定公開。」

靚湯近日接受邵氏節目《Master s Talk》時，大呻被催婚催到厭。

來到鼠年最後一日，靚湯忽然有感而發於IG留言：「人在路途，難免會遇到荊棘和坎坷，但風雨過後，一定會有美麗的彩虹，更好的一定在前面等着我們，只要相信。 #感謝和感恩2020帶給我的一切 #得到的失去的 #讓我們更珍惜身邊的一切 #預祝新年快樂 #一定會好起來 #lawofattraction #throwback」。

網民「召喚」馬明為靚湯打氣。

一班網民即「召喚」馬明為她打氣：「有馬明同你撐過去嘛」、「有馬明，明天會更好」、「我收到風，馬國明年會有動靜」、「你背後的男人永遠都支持你」等，亦有人繼續催婚，期待「湯馬」今年有好消息公布。至於男主角馬明，就以一貫作風用6個「戴超型樣」及「手瓜」Eomji回覆女友。

馬明日前出Po表示，每天在工作中渡過，但覺得感恩、幸福、滿足，關唔關女友事呢？

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。