係由天堂跌落地獄嘅感覺......
大年初三撞正情人節,不少人陪伴家人之餘,也想向心儀對象見面或一表心意。有中學生日前分享,指「女神」突然約他食午飯,還要求他先等位入座。為見心儀對象,他未有介意等了一個多小時,但正當他興奮通知對方即將可以入座時,女神竟表示會帶同男朋友到場,由「撐枱腳」驟變「三人行」,更因受限聚令影響,事主只能坐在十多米外的餐桌,遠望女神與男友開心進餐。
這名自稱就讀中三的男生日前投稿至Facebook專頁「名校Secrets」,分享被心儀女生疑似「收兵」的慘痛經歷。他表示自學校停止面授課程後就一直沒機會與女神相見,至日前對方突然聯絡他,相約他一同食午餐,並要求他先到場取票。
餐廳等位人數眾多,事主一早到場也要等位一個多小時,不過為見女神也未有介意,甚至等到即將有位時才通知對方。詎料對方一句令他當場驚訝不已,「點知佢話佢帶埋男朋友嚟,而我從來未聽過佢有男朋友...」。
事主得知此消息有如晴天霹靂,只得無奈通知餐廳更改用餐人數,卻因二人限聚令而再受打擊,「最慘係同個reception講轉三個人,點知限聚令原來最多兩個人一張枱,呢個時段available嘅兩張枱仲分到好遠」。他坦言:「最後我排咗個幾鐘就係自己一個食,同埋望住隔十幾米嘅女神同佢條新仔食...」而事後對方更若無其事感激他預早幫忙等位,「仲話唔好意思用咗我時間,叫我食完唔使等埋佢哋兩個」。
網民紛紛留言對事主的心酸經歷表示同情,又安慰他及早知道實情是好事,「往好處想,犧牲個半鐘睇清楚呢個人」、「講真如果我係你一定絕交無fd做,比人當傻仔既感覺超唔好受」、「所謂女神,其實係你內心美化咗佢啫,她都一樣有缺點」。亦有人不值女生的「收兵」行為,留言建議反擊方法,「比我就話一位,果兩個唔識」、「比我就撕左張飛都唔益佢」、「要同個男友講多謝佢送女神黎,我已經攞咗位同女神食飯,等佢坐幾十米外」。