牛年改運大法
筆者:半澤

今日係大年初二,祝大家身體健康,事事如意,牛年旺相,新年勝舊年。

每到新年大家最常問既問題一定係今年運程如何? 有無好運行? 今次就同大家分享面相改運大法!

人類面相由眼耳口鼻耳頭骨氣色組成,當中以眼為最重要既部分,眼為靈魂之窗,占整體面相最少一半!亦係唯一一個可以後天努力去改變既地方,並不是叫大家去整容,整容最多只可改變眼形,眼神最重要。

眼形為輔助,眼神係重點。眼神大約分為十類:神藏、神和、神靜、神威、神露、神急、神昏、神醉、神驚、神脫。 以上都以平常狀態判斷,故意扮唔算。眼神之所以為靈魂之窗係因為佢反映人既內心、歷練、智慧,所以社會上大多數成功人士多為前四種眼神,一般老百姓就後六種。

各位如果想新年行好運,好既眼神係必需品,眼神係可以從日常生活中練出嚟,包括但不限於:運動、讀書、行善、不斷克服困難,總之就係要段練自己身心,只要堅持不懈,唔好放棄,我夠膽講你既人生衰極有個譜。

新一年大家繼續努力,香港人加油!!!




香港兔蘆術數學會

** 博客文章文責自負,不代表本公司立場 **