*

視帝視后出爐捱夜覆賀電 王浩信蔡思貝新年期待拍喜劇

視帝視后希望用更多好作品報答觀眾,對演喜劇都特別期待。

王浩信繼18年憑《踩過界》奪得視帝後,最近跟蔡思貝再憑《踩過界II》成為出爐視帝視后,兩人得獎後除了忙捱通宵狂發訊息答謝身邊人外,亦不忘諗點樣令自己進步配得起個獎。鼠年奪獎大旺的他們,踏入牛年兩人目標明確,希望用更多好作品報答觀眾,不過兩人對演喜劇都特別期待,浩信恨大受歡迎的《反黑路人甲》能拍續集,而即將拍跟王祖藍等首度合作古裝喜劇的思貝,就希望跟祖藍偷師學做喜劇演員。

浩信新年期間要到內地拍綜藝節目,不能跟太太陳自瑤和囡囡過節,反而跟在內地的王爸爸度歲。

出爐視帝浩信和視后思貝祝讀者,身體健康!心想事成!

思貝坦承得獎後感覺一直未很踏實,更立即思考點樣對得住個獎,「當然攞完係開心,亦都覺得好榮幸,因為係一個肯定嚟㗎嘛!亦都係呢7年、演藝路上比較大嘅里程碑,反而更加唔可以鬆懈,2021年帶住呢個名銜點樣過呢!?」而為了答謝一班7年來支持她的朋友和工作伙伴,思貝更捱足一晚通宵到翌日下午1點半,「我有諗過返屋企瞓咗先,但我知道我瞓咗覺起身個感覺冇咁濃烈,所以我真係返咗屋企坐低,靜靜地諗嘢加覆message,反而每個人我睇住佢個名回顧返呢7年嚟輔助過我啲咩、幫過我啲咩,或者喺我生命裏面做過啲咩作用,我想諗番啲回憶出嚟同每個人講番我對佢嘅感受,多謝佢哋。」

- 閱讀更多 -

Tags:

往下看更多文章