片場切炸彈蛋糕賀57歲牛一 劉青雲自言最怕收禮物

青雲話因為人哋生日又要諗送咩畀人，都幾吃力！

由劉德華及劉青雲「雙影帝」主演的《拆彈專家2》即將在港上映，昨日（15日）是青雲的57歲生日，早前導演邱禮濤趁拍攝空檔同一眾「拆彈隊員」在片場為青雲送上生日驚喜，青雲見到專誠訂造的「炸彈蛋糕」笑得好開心。

青雲收到炸彈蛋糕賀牛一。

青雲透露已非首次在片場慶生，他說：「我成日都同人講，唔好話畀人知我生日，不過今次就揚啲！」講到最難忘嘅生日，「有一次生日喺殯儀館取景。」

一眾「拆彈隊員」黃德斌及吳卓羲同青雲慶生。

問到太太郭藹明會否跟他補祝生日？青雲即甜絲絲表示：「走唔甩，我相信一定仲有一個生日蛋糕。」而「愛妻號」的他更直言會叫太太不用送禮，因為自己乜都有，買咗唔用好浪費。

青雲講到明叫大家唔使送禮物畀佢。

至於是否不喜歡收禮物？青雲解釋：「唔係唔鍾意，但唔需要破費，大家開開心心食飯咪得囉，其實送禮係一件好難嘅事，收咗人哋嘅生日禮物，人哋生日又要諗送咩畀人，都幾吃力！」

《拆彈專家2》即將在港上映。

談到生日願望，青雲表示：「我相信得一個人開心嘅世界，係唔會開心，所以我希望大家都開心，好好過日子。」

青雲會叫老婆唔使送禮，因為自己乜都有。

劉青雲話細個冇錢食雪糕。

多料影帝劉青雲私下生活相當低調，更因熱愛到街市買餸而被戲稱「市民劉先生」，多年來沒有開通任何社交平台。近日他終於開通了抖音，並拍攝一系列《青雲之外》短片。

影帝劉青雲化身「雪糕車老闆」。

青雲話細個冇錢食雪糕！

在最新一輯，劉青雲化身「雪糕車老闆」為小朋友帶來歡樂，更跟小朋友傾偈。有小朋友問到他的童年如何？劉青雲笑言：「都好像忘了，唯一印象，曾經在沙田踩單車跌穿了頭。」他之後再笑指：「其實我細個冇食過（雪糕），因為冇錢買，但雪糕車的音樂好洗腦，好令人記得。」

小朋友蜂擁排隊幫襯！

青雲再學整軟雪糕。

看到小朋友的笑容，青雲都報以會心微笑。