走三間廟為香港祈福問卜 李丞責指疫情漸穩港人秋天有望短期旅遊

不過李博士指飲食業麻麻要繼續捱。

受新冠肺炎影響，部分廟宇在農曆新年間限制人流，過往都會去幾間廟誠心拜神的著名堪輿學家李丞責博士，早前就提早於立春翌日連跑三間廟，包括上環濟公廟（又名廣褔義祠）、北帝廟及黃大仙廟為香港人祈福，「希望人人百毒不侵、個個幸福開心。」席間又買金箔黐鹿（寓意俸祿），望打工仔們事業財運都順利，還不忘為牛年的香港疫情、經濟、餐飲、旅遊及地產求籤問卜，李博士指本港疫情會慢慢安定，港人有機會去旅行，不過飲食業麻麻要繼續捱。

李博士於農曆新年前連跑三間廟為香港祈福，希望人人百毒不侵、幸福開心。

李博士特意在北帝廟買金箔黐鹿，希望大家事業、正財運都順順利利。

李博士在黃大仙廟求了五支籤，關乎牛年的香港疫情、經濟、餐飲、旅遊和地產。

第廿五籤－五岳泰山：疫情逐漸穩定

泰山為五岳之首，群山比喻每個國家、城市，就如臣子上朝面聖般齊整、嚴肅地分兩排，置中的又怎會不開心呢？李博士預料：「香港因為次序分明同規矩，令疫情慢慢安定落嚟，穩如泰山，我哋應該開心嘅，大家無須太擔心，中國、香港比其他國家更穩陣，只要我哋跟規矩、齊齊整整、嚴肅面對呢件事，我哋就好快得到快樂。」

第廿五籤－五岳泰山：疫情逐漸穩定

第七十九籤－蘇秦封相：經濟大致不俗

戰國時縱橫家不斷外交、搵謀略，令國與國之間得到信任，最終抵禦到秦國攻擊，而蘇秦獲各國認同封為宰相，李博士認為：「好多地方因為上市唔方便，或者政策及貿易意見唔協調，導致香港喺金融同經濟上有所得益，同時代表中國好多大企業會喺香港上市，信任香港嘅金融制度，令香港金融經濟企喺一個幾堅強嘅位置，亦吸引到外國商家嚟香港投資，所以呢個係幾好預兆，唔係太危險，反而農曆年尾要注意，股市經濟會有啲調整，要謹慎投資。」

第七十九籤－蘇秦封相：經濟大致不俗

第八十五籤－劉向高中：地產前段穩定

劉向寒窗苦讀十年終於高中狀元，衣錦還鄉，李博士指地產因通橋通路及有新政策，令籌劃多年的事情終實踐，令地產穩定兼吐氣揚眉，「投地成績可能更理想、投更高，豪宅亦賣得更好，但一般住宅租務就未必理想，甚至有回調跡象。而我哋問1年佢答10年，即農曆十月地產會有較大的調整，因農曆十月同四月對沖，調整位會喺呢段期間，咁夾埋經濟支籤睇，我會為10月後嘅股市樓市擔心，前段就唔錯。」

第八十五籤－劉向高中：地產前段穩定

第廿六籤－水月鏡花：餐飲需待放寬

水月鏡花等於落花流水，飲食來說是虛浮的現象，未能實際地大反彈；同時形容感情未能圓滿開花結果，即不利於情投意合、結婚人士，李博士估計飲食業於上半年仍要捱，小本經營的酒吧及卡拉OK場所最辛苦，他說：「飲食可能有啲轉機，但好睇唔好食，即只能放寬一啲，難以去到擺酒、春茗、派對、喜慶宴會等，故未能做好大生意，除非月圓時候，起碼農曆七、八、九月先有轉機。」

第廿六籤－水月鏡花：餐飲需待放寬

第四十籤－伯牙碎琴：旅遊曇花一現

李博士直言：「下下籤都幾大鑊！」對於旅遊業來說是可一不可再，「陰陽各一方」可解讀為東西、南北，即局部地方去到，並非全面性，換句話可國內遊，想環遊世界就要等吓，他續道：「有啲地方係去到，有機會國與國之間放寬一次後又唔得。可能有啲慶典因為某啲突發問題而要暫時延遲，例如奧運或本來有啲大城市初步可以，但最後又要等。（放寬時段係幾時？）應該係秋天，大約下半年去一去又有停滯。」

第四十籤－伯牙碎琴：旅遊曇花一現

此趟李博士也順道幫朋友攝埋太歲。

每次拜神李博士都很用心準備好大量祭品供奉神明。

李博士專心整理寶碟。

著名堪輿學家李丞責及麥玲玲師傅每集坐陣！

全新風水賀年節目《位元堂安宮牛黃丸呈獻：2024風生水起》明晚（29日）首播，首周播映日期及時間為周一（29日）至周三（31日）晚10點半翡翠台。《風生水起》主持陣容鼎盛，除了有開心果及好運代表薛家燕外，還有「東張女神」陳懿德、許文軒及徐文浩，還有著名堪輿學家李丞責及麥玲玲師傅每集坐陣，分別負責走遍香港九龍新界、解構各區風水格局，指點觀眾「龍年行運秘笈」的「區區行大運」，及為藝人嘉賓加強運勢的「龍年開運搵師傅」環節。

《位元堂安宮牛黃丸呈獻：2024風生水起》主持陣容，左起：徐文浩、李丞責、薛家燕、麥玲玲、陳懿德、許文軒

呢個組合，一睇都知會好嘈，家燕姐除外。

家燕姐成日都好好笑容，自然更容易吸好運。

麥玲玲師傅負責「龍年開運搵師傅」環節，每集都有唔同藝人求佢指點迷津。

李丞責師傅負責「區區行大運」，只要睇住佢，每區嘅風水都盡在你哋掌握之中。

本周李丞責師傅將先後走訪元朗、北區、北角及港島南區，找麥玲玲師傅指點迷津的藝人嘉賓則有林盛斌伉儷、何依婷、吳幸美及朱咪咪。明晚首播的第一集，李丞責師傅除了會part住元朗大地主安德尊等，在元朗區大派揮春向街坊送祝福外，還會走訪元朗不同店舖為大小老闆提供龍年生意暢旺貼士。此外，李丞責師傅又會教大家如何深入北區「尋龍」，增強龍年財運，並在「龍王廟」即場傳授龍年拜神妙法，除了會講出今年拜神的兩大好日外，還會教大家拜神必備物件，更只需準備一件就夠。

開心合照

呢三位年青主持得影相嘅時候係比較正路少少，喺節目入面佢哋三個都無厘正經，成日掛住鬥嘴搞笑。

「區區行大運」除咗可以學嘢，仲可以充份感受過年熱鬧氣氛。

李丞責師傅點解要特登去到北區尋龍呢？

「龍年開運搵師傅」，就連主持啲衫都好開運。

阿Bob「四下巴」面相惹圍攻？
至於首集藝人嘉賓林盛斌，與老婆黃乙頤竟攜帶「驗孕棒」向玲玲師傅開門見山追問龍年添丁可能性，嚇得家燕姐不懂如何反應，場面爆笑。談到想龍年添丁原因，阿Bob直言：「五個先好，五福臨門吖嘛！」玲玲師傅聞言亦快人快語指阿Bob由於耳仔「雙珠朝口」，是典型「多仔公」面相；加上老婆面相亦極度旺夫兼有子女運，故二人要龍年添丁絕對如虎添翼。搞笑的是，當玲玲師傅講到下巴面相時，大家竟不約而同圍攻阿Bob的「四下巴」，場面惹笑。到底甚麼是「雙珠朝口」？甚麼面相是旺夫兼子女孝順呢？玲玲師傅還會分享小八卦—為何龍年特別多人追B之謎，萬勿錯過。

家燕姐畀支驗孕棒嚇親，笑咗。

林盛斌伉儷。

睇吓恨再度添丁嘅阿Bob幾咁肉緊。

到底咩係「雙珠朝口」？

黃乙頤又邊方面嘅面相睇到佢旺夫？

龍年家居正財偏財位大公開
除了李丞責及玲玲師傅主持的兩大重頭環節，還有另外三名堪輿學家負責的單元，有元海的「元來家家有天機」、唐碧霞的「龍年帶富碧人來」及黃楚淇的「新春『關』心你」。當中較為有趣的，是黃楚淇的「『關』心你」除會介紹關公及拜關公要訣外，還推介了龍年三大開運外賣，當中一款更是大人細路都喜歡！而碧霞師傅本集則會推介全香港最適合買彩券的投注站，並會開心Share龍年12生肖的開運數字，萬勿錯過。元海師傅則會開心share家居天機，除了教大家找出龍年家居正財位及如何以蔬菜催旺正財位外，還會指出家居偏財位，內容豐富又有趣。

阿Bob下巴成為被圍攻目標。

睇吓大家開心到。

去投注站投注其實都有好多貼士要事先知道架。

到底咩外賣可以開運咁勁？係咪好想知先。