着私伙戰衣晒拉丁舞技 Tiger@MIRROR被猴擒姨姨攬住扮Enjoy

爆笑演出。

MIRROR成員Tiger（邱傲然）在hmvod賀歲片《向西聞記 新春SP：阿姨！我不想努力了！》中飾演舞廳的拉丁舞老師。

Tiger戲中亦與ERROR成員阿Dee（何啟華）共舞。

其實Tiger幻想對方係又年輕又跳舞叻的靚女。

本身擅長拉丁舞的Tiger更特別出動私伙戰衣晒舞功，Tiger笑言已有一段時間冇着過，好彩仍啱着，開心自己無發福。戲中Tiger與一班闊太上演「跳舞群組」情節，為冧掂一名大粒墨闊太，他任人熊抱又攬住對方跳舞，更瞇眼幻想對方係又年輕又跳舞叻嘅靚女扮Enjoy。

Tiger（邱傲然）好落力拍攝新片，出動私伙戰衣，又上演「跳舞群組」情節冧闊太。

Tiger慶幸舞衣仍啱着，開心自己無發福。

Tiger又與ERROR成員阿Dee（何啟華）共舞，他大呼體驗好得意，當中最難忘係戲外一眾姨姨演員。今年21歲的他被猛叫暱稱「Tiger仔」外，正式拍攝時，更被多位姨姨擁住兼送花送利是。

Tiger大晒拉丁舞功。

Tiger戲中為冧掂一名大粒墨闊太，任對方熊抱抽水

Tiger笑說：「鏡頭外我哋有影相，佢哋有跳開拉丁舞，我又跳開，可能惺惺相惜啩？現實中我未試過俾咁多姨姨圍住，戲劇上大家先咁猴擒啫。」

Tiger已學習拉丁舞多年。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。