*

林子博一家三口食盆菜過年 囝囝怕老竇寂寞鼓勵搵女友

子博話:「都唔會係依家啦,邊有咁快可以呀?」

父兼母職嘅林子博過年前同一對仔女去酒樓食團年飯,15歲大女詠渝不忘賣口乖,狂講意頭說話同老竇拜年逗利是,子博乘機整蠱仔女,著他們講財色兼收,11歲細仔卓楠接受爹哋搵女朋友,因為唔想爹哋孤獨終老!對此子博笑言:「新年流流講呢啲!」真係童言無忌,笑爆嘴!

子女向子博拜年𢭃利是,點知卓楠話唔想見爹哋孤獨終老,接受他搵女朋友,一家三口都笑爆嘴!

呢個鮑魚盆菜好足料,子博最鍾意食鵝掌,大讚炆到好入味,卓楠最愛遼參,詠渝猛食花膠。

當天一家三口食團年飯笑聲不絕,子博表示除咗代媽咪派利是畀子女外,之前送聖誕禮物都會送得大份啲,要畀埋媽咪嗰份,又透露子女都習慣面對新生活。詠渝說:「我同細佬會互相照顧。」至於邊個做家務?子博話好公平,通常玩Card Game,由輸家去做,唔會恃住係爸爸點佢哋做嘢。

- 閱讀更多 -

Tags:

往下看更多文章