有網民回應：「客家佔地主，不知所謂！」
新年伊始，有網民就被一對登門拜年的怪獸父母惹怒，指一名港媽拜年時喝止在場打麻雀的親友收聲，稱因為兒子要上網課。
有家長拜年時不滿親友打麻雀阻礙兒子上網課。示意圖片
「香港討論區」有網民指，一眾親友上門聚會，新年期間在客廳開雀局，該名港爸亦有參與打麻雀，而港媽則與兒子在房內耍樂。當客廳正在打得興起時，港媽突然出客廳要求親友降低聲量，網民不解，因打麻雀難免就有噪音。
設計圖片
過了不久港媽又再出客廳喝止眾人肅靜，網民於是反駁「你哋係入面玩，我哋嘈少少又點呢？之後佢（港媽）就話，我個仔要上堂呀你哋細聲啲得唔得呀」另外親戚忍唔住問新年期間何來有課堂上，港媽就指「我上網搵咗啲外國人教英文，鬼佬唔洗過年囉」。
設計圖片
網民於是質疑就算要上課也無必要選擇拜年時間上課，最後港媽就發脾氣， 「話唔理，總之呢半個鐘頭你哋收聲」網民指，「其實佢哋（父母）一共坐咗都係2個幾鐘到， 有大半個鐘就上咗堂...咁佢哋其實都可以揀夜晚上堂卦？」
網上圖片
不少網民留言斥責如果上課這麼重要不應該帶小朋友去拜年，「你叫佢分吓莊閑先」、「叫佢返自己屋企上啦」、「客家佔地主，不知所謂！」。
有私家車司機在公路上中「尿彈」，尿液灑滿車窗如洗車，網民逐格重播車cam助緝兇：對面線的士！
司機行公路慘遇「尿彈狂徒」
有網民於Facebook群組「車cam L（香港群組）」上載一段片長17秒的車cam片段，顯示晚上時分，受害私家車司機正在公路上行駛，突然一個載滿尿液的容器猶如從天而降，砸向了車頭玻璃，容器撞擊後破裂，尿液像瀑布般灑滿車頭玻璃，司機視線受阻，場面既嘔心又危險。
(FB圖片）
網民紛紛譴責指心理變態
影片曝光後，網民紛紛譴責「尿彈狂徒」的無良行為「痴X線，佢以為玩緊Mario Kart呀？好危險呀」、「好嘔心，一啲公德心都無」、「點解要咁做？好好玩？發洩？心理變態？」、「如果驚青司機真係會抄咗！做佢啦」、「好陰濕！好賤格！求車主心理陰影面積」、「呢啲人應該落地獄」。
(FB圖片）
網民助緝兇：對面線的士！
不少熱心網民逐格放大重播車cam片段助緝兇，更一致認為對面線的士司機是尿彈狂徒「11秒睇到係對面架的士掉過嚟」、「重播左幾次...個樽好似真係對面線飛過嚟」、「真係對面掟，你重複0:10睇」、「兩邊都有車速，所以造成好似向前掉嘅衝擊！反覆睇片後，很肯定係個的士狗！」、「慢播左，對面dc9 扔過黎，放大睇，燈下面有個拋物線」、「的士佬先會屙喺樽，睇到係對面線掟過去」。
(FB圖片）
「亂拋垃圾出車外」屬違法行為可報食環
根據食物環境衛生署網站，司機或乘客亂拋垃圾出車外，最高可被罰款港幣$25000及監禁6個月。如市民遇見有人從車廂中拋擲垃圾到車外，可向食環署舉報個案。市民可在食環署各區環境衞生辦事處及民政事務總署各區民政事務處索取｢車上拋擲垃圾－舉報表格｣，也可從食環署網頁下載表格。
(FB圖片）
帖文來源：Facebook群組「車cam L（香港群組）」
