鍾培生開盤100萬邀打擂台 林作眾籌後疑縮沙：我俾200萬你俾我打一鑊

鍾培生看到林作的留言後，似是被對方「辣㷫」，二話不說就公開下戰帖：「你咁想紅我幫你，我地打一場，你贏左我幫你找100萬，你輸左我都比30萬出場費你。」

鍾培生。

極愛引人注目林作立刻像「執到寶」般，借此話題連出多則帖文，問網民意見、趁機找健身及保險贊助，其後更「牙擦擦」地貼出低清練拳舊照，揚言「驚都未驚過。我打開。」他於昨午又突然在社交媒體上拍片發起另一眾籌，呼籲網民每人貢獻70元，聲稱只要有一萬人「課金」，就能成功籌得70萬：「到時，同佢死過！」，但他並無留下任何收款方法。

鍾培生之後直接在該段影片下留言指：「你唔使呃香港人錢，你有一球就肯打，冇問題港幣1,000,000你贏輸都有，我依家book場，搵production，同寫合約，你唔好縮沙就OK」，看來他對這場「決鬥」的態度非常認真。

有「香港電競之父」之稱的鍾培生（右），近日跨界別與從事保險業的林作（左）對上。Facebook圖片

不過林作今日凌晨卻突然「縮沙」，特地拍片回應：「鍾培生先生，我諗過架喇，以下係我嘅答覆：我俾200萬港紙俾你，你俾我打一鑊」，令不少已準備定花生的網民大感失望。另外，雖然鍾培生仍未就此作出回應，但已有不少網民突破盲點，指出「問題係林生70萬都無要眾籌，忽然又有200萬？」

林作Facebook：https://www.facebook.com/jolamchok

鍾培生Facebook：https://www.facebook.com/derek.cheung.5