同古天樂劉德華一齊救市 溫碧霞投資拍戲唔計較賺錢

Irene希望業界人人有工開！

疫情下溫碧霞（Irene）北上掘金半年，做到冇停手，直至農曆新年前先有時間返港同家人度歲，但本月尾會再返內地與張家輝合作拍攝歷史戰爭片《731》，6月為其電影工作室開第3套新戲《我們的18歲》。Irene堅持疫市下更加要投資開戲振興香港電影業，讓業界人人有工開。

穿紅衫嘅溫碧霞喺桃花樹下影相希望增加多啲人緣。

Irene同家人分開咗半年，趁住農曆新年假期返港同家人共聚。

何祖光係暖男老公，就算要隔離21日都要去澳門，陪Irene除夕倒數。

溫碧霞電影工作室將開拍第3套新片《我們的18歲》，電影以一個女仔的成長為題材，有取自她及身邊朋友的真人真事。Irene透露籌備3年，花咗好多心機喺劇本上，所以相當期待。目前casting緊一個有氣質，飾演她少女期的素人。

Irene牛年有喜事宣布，就係電影工作室開拍第3套新戲《我們的18歲》。

新冠疫情肆虐全球，香港演藝行業幾乎陷入停頓狀態，溫碧霞要同古天樂、劉德華一齊救市，唔介意繼續投資：「《我們的18歲》唔係大製作冇巨額投資，當然冇古仔同華仔佢哋咁犀利啦！我冇佢哋咁有錢，只係出到小小力，佢哋對香港電影業真係出心又出力。」Irene又強調好多演員朝住開戲呢個方向發展，「演員好被動，角色唔到你揀，𠵱家可以拍到自己想拍嘅嘢，令到本地有多啲唔同元素嘅電影。」

溫碧霞6月開新片，同古天樂、劉德華一齊為香港電影出力。

捱咗半世人嘅Irene說：「依家賺錢唔係最重要，夢想更勝一切！」早前她於社交網分享在豪華別墅內牽白馬嘅相令網民熱議，她再度澄清係美麗的誤會：「呢間屋係喺杭州拍戲時嘅豪宅，因為Fans開馬場，所以帶咗兩匹小馬嚟探班，我喺內地冇房地產。」

早前溫碧霞喺社交網分享喺豪華別墅內牽白馬嘅相，她強調小馬同豪宅都唔係佢嘅。

去年溫碧霞憑電影《墮落花》榮膺愛爾蘭絲綢之路國際電影節「最佳女主角」，勇奪人生第一個影后寶座。

溫碧霞(Irene)對於衣著非常講究及尊重場合，每次出席活動皆以一番悉心打扮亮麗現身，而14日以嘉賓身份出席香港電影金像獎頒獎典禮，穿了一襲純白色露肩羽毛晚裝，再配以英皇珠寶贊助全套價值百萬元鑽石耳環、手、頸項、戒指首飾，淡雅之中不失華麗。對於劉嘉玲在頒獎禮上的「龍蝦」晚裝，Irene十分欣賞，讚謂：「只有劉嘉玲才可以駕馭，霸氣十足呢！」

以嘉賓身份出席香港電影金像獎頒獎典禮

以嘉賓身份出席香港電影金像獎頒獎典禮

穿了一襲純白色露肩羽毛晚裝，再配以英皇珠寶贊助全套價值百萬元鑽石耳環、手、頸項、戒指首飾，淡雅之中不失華麗。

Irene恭喜所有得獎者及有份入圍提名的每一位，她說坐在台下感受到香港電影人的專業精神一直沒改變過，期待未來香港電影可以再創高峰，而今年她亦有兩部電影今年上映《731》及《如果人魚不劈腿》相當期待，希望明年的金像獎頒獎禮也有份以候選身份出席。

Irene恭喜所有得獎者及有份入圍提名的每一位

期待未來香港電影可以再創高峰

當晚Irene好開心重遇不少電影好朋友，尤其遇上當年第一部電影出品人兼恩師梁李少霞（梁太）及15歲時在街上發掘她的文雋，記起當年第一部電影《靚妹仔》被提名金像獎「最有前途新人獎」，她感激說：「當時沒錢，梁太送了一條好靚的裙給我出席金像獎，又給我入住她的渣甸山屋企，雖然中間有些誤會，但我在心中永遠當梁太是我的媽咪，我有今時今日最要多謝的人，就是梁太！」Irene更憶念起《靚妹仔》導演黎大煒，她說聽聞黎大煒正居於北京，好想可以再跟他重聚。

當晚Irene好開心重遇不少電影好朋友，尤其遇上當年第一部電影出品人兼恩師梁李少霞（梁太）及15歲時在街上發掘她的文雋