不少人都有社交網站濫發帖文成癮的問題，芝麻綠豆事都放上網。「香港討論區」有男網民投訴，妻子濫發短片，令他在片段中講辦公室是非意外曝光，遭一位同事聽到後轉發上司，形容「我真係好想同我老婆離婚」。
男網民指，妻子是一個非常喜歡用Instagram打卡的人，「佢一出街食飯、去玩都一定會PO IG...平時屋企小事就會PO IG STORY，話24小時就冇，大家睇過就會唔記得，冇咩所謂」。
網民在家講辦公室是非，意外遭同事聽到及轉發上司。《不懂撒嬌的女人》示意截圖
男網民在家中與朋友在家聚會，提到公司的缺點及是非，期間妻子突然錄製短片並上傳IG，「之後好死唔死，原來有個是非精同事有佢IG，佢睇到之後錄晒畀返個上司聽返...」男網民抱怨遭到同事恥笑，又指上司好小器，「我諗我要準備辭職啦」。
設計圖片
網民在家講辦公室是非，意外遭同事聽到及轉發上司。《不懂撒嬌的女人》示意截圖
有網民形容，「呢啲老婆娶咗都喊三聲，不過佢應該唔係第一日係咁，係你無警覺性姐」、「好憎啲人刷存在感,去廁所都要出個post咁見到都煩,以為自己好多人關注!」、乜X嘢都鋪一餐，生活好似無私隱咁，我接受唔到囉！」、「現代人拍拖一定要睇埋對方用手機習慣」。
設計圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
