娛圈事
有網友搞笑地認為林母係同鍾培生講。
影片截圖
「百億富三代」鍾培生與林作的擂台戰未開打就已經「成地花生」，林作先講要多三個月時操練、其後又撕合約要求重寫。今次林作就拖阿媽落水，雖則兩母子不時頂頸嘈交，但身體髮膚受之父母，上擂台拳腳無眼，昨晚他出PO拍片，問阿媽能否打鑊鍾培生。
影片截圖
林媽不單沒有反對，更全力支持囝囝：「打爆佢（鍾培生），我一定支持你，打鑊佢，所以你一定要爭氣，贏番嚟！」難得母子同心，林作即時笑得燦爛，顯得充滿信心。
影片截圖
影片截圖
有網友則搞笑地留言：「其實係佢阿媽想個仔俾人打鑊金 一係就打醒佢 一係就打到佢吾醒 一了百了」、「受益人係阿媽，阿媽點會唔支持」、「其實佢呀媽係同鐘生講」、「咁開心，同阿媽講贏咗娶裕美。」
林作又追擊舊愛麥明詩？
「十優港姐」麥明詩（Louisa）與盛勁為（Keith）早前連辦幾場「勁甜麥」婚宴，與一大班親朋好友分享喜悅，連麥明詩前男友林作的媽媽王莉妮亦有到賀，而林作則在前度貼出婚紗照後，即公開與裕美的婚紗照，疑似追擊舊愛。昨日（4月1日）愚人節，林作再貼出婚紗照，並高調宣布「我地決定要搞婚禮了！」更表示要在18區都舉辦婚宴，引起網民熱議。
麥明詩與盛勁為早前連辦幾場「勁甜麥」婚宴，麥明詩前男友林作的媽媽王莉妮都有到賀。
王莉妮還有在IG分享與麥明詩的合照。
林作則在麥明詩貼出婚紗照後，即公開與裕美的婚紗照，疑似追擊舊愛。
林作則在麥明詩貼出婚紗照後，即公開與裕美的婚紗照，疑似追擊舊愛。
林作於幾日前便在IG分享與裕美拍攝婚紗照的花絮，並留言：「倒數」，昨日再在IG公開兩張婚紗照，留言道：「本人及和田裕美欣然宣佈：我地決定要搞婚禮了！這次，我們參照目前的潮流，決定將會在今年內全港18區每區每個禮拜舉行一次婚禮，邀請在當區居住或者工作的親朋好友，及任何想課金參與盛宴的網友們，共同見證盛事。每場婚禮，都會邀請李龍基大哥擔任演唱嘉賓，融合他近期的酒樓演唱會風格，務求做到商業價值最大化。本人希望，可以做到全年霸佔網絡公共資源，煩死網民們，每場婚宴都有新的大龍鳳角度，務求長做長有。謝謝大家的祝福！」
View this post on Instagram
林作在愚人節再貼出婚紗照。
高調宣布「我地決定要搞婚禮了！」更表示要在18區都舉辦婚宴。
由於林作出PO的日子是愚人節，而且他在文中只提及「搞婚禮」，而不是「結婚」，所以大部分網民都覺得他是講笑，「希望你唔好用1/4係愚人節呢啲咁X嘅藉口又話唔搞」、「決定搞婚禮，但唔簽紙注注（註）冊？」、「四月一號結婚 ?_? 唔知信唔信你好」、「搞婚禮only，唔係結婚」、「咁大個人仲4月1號講笑」、「又不是真的結婚！影嚟做乜？」更有人指林作因為麥明詩結婚而受到刺激，「睇嚟mmc結婚真係刺激到你、人哋搞婚禮搞到咁高興你又要喺呢個時候抽水去搞婚禮，難得你阿媽開咗綠燈就快啲結，你阿媽叫你快啲生個孫比佢玩啊。anyway 祝你早生貴子同美美白頭到老。」
當事人之一的裕美未有出PO或轉發林作的帖文。
林作間中就在IG分享婚紗照。
林作間中就在IG分享婚紗照。
林作間中就在IG分享婚紗照。
