Skip to Content Facebook Feature Image

楊秀惠見B女「派心心」即有求必應

娛樂

楊秀惠見B女「派心心」即有求必應
娛樂

娛樂

楊秀惠見B女「派心心」即有求必應

2021年02月24日 03:00 最後更新:03:10

  楊秀惠去年4月在社交網宣布誕下B女,今年她好開心首次以媽媽身分過農曆新年,提到之前教識囡囡用手仔「派心心」,現在囡囡一起身或肚餓時就會邊叫媽媽邊「派心心」,令秀惠非常心甜,對囡囡亦有求必應。
  楊秀惠於2019年與圈外男友葉世揚拉埋天窗,婚後一直留在馬來西亞,去年4月在社交網宣布誕下B女,身為新手媽媽的她學習照顧囡囡,並指因疫情關係,BB出生過程不容易。今年是秀惠首次同囡囡過農曆新年,碰巧月前教識BB用手仔「派心心」,面對着可愛女兒使出的必殺技,秀惠當然有求必應。看着囡囡每日成長,秀惠亦明白到當媽媽後的心態轉變:「BB開始認得人,愈來愈黐我,只要我經過冇抱佢,佢就會起勢喊,所以我現在出街或返工都會好掛心。」雖然緊張BB,但秀惠也有忍痛放手的時候:「相比起身邊幾個差唔多時間做媽咪嘅朋友,我算是唔太緊張。因為我會俾BB喊下,學習適應不同環境,更會帶佢行山,以前BB出外好多時都會喊,現在已經enjoy出街,享受帶住佢一齊發掘身邊有趣事物。」
  提起囡囡,秀惠臉露幸福地說:「最搞笑我幾個月前開始教佢做心心手勢,o依家終於學識咗,一起身、或肚餓時就會邊叫媽媽邊『派心心』,見到我就好心甜!」現在的秀惠深明為人媽咪殊不簡單:「就如農曆新年編排食啲咩,o依家就知道做媽媽並不簡單,好似陳茵媺咁真係超級媽咪,但一切都係源於好愛家人,才能成就超級媽咪,係一種好甜好開心的責任!」
  楊秀惠樂在其中,又經常與一班好姊妹講湊女經,問到會否催促去年新婚的閨密岑杏賢(Jennifer)生B?秀惠表示:「Jennifer正享受新婚,最緊要係佢兩公婆本身都好鍾意小朋友,希望佢好快早生貴子!」提到愛女今年首次收利是,理財有道的秀惠直言早有計畫,會開戶口把囡囡每年的利是錢儲起,並好好教導她理財觀念,待她長大後把金錢用得其所。
  至於牛年大計,秀惠坦言要照顧BB,拍劇會遲一步才考慮,「除了BB,都會繼續忙生意上嘅嘢,特別係我新創立的網上學院『VY Academy』成為香港首個 Shopify 官方認證的教育夥伴,所以2021年都會忙着這個,希望做得更好。」
  

往下看更多文章

金美倫為女兒改獨特名字

2020年01月19日 03:00 最後更新:23:56

  (星島日報報道)荷里活女星金美倫戴雅絲(Cameron Diaz)於2014年息影之後,於2015年下嫁音樂人Benji Madden。到本月初,金美倫與Benji發表聯合聲明,表示日前已誕下一名女嬰,但由於二人沒有公布女兒出生的日子等詳情,金美倫亦沒被發現曾大肚,所以亦曾傳是由代母所生。不過,有指二人生活一向低調,而47歲的金美倫選擇在結婚前息影,都是為了想生兒育女,其願望終於達成。
  昨日有報道公開了金美倫誕B的詳情,指BB女於去年12月30日下午1時58分,在洛杉磯的Cedar's Sinai醫療中心出生。金美倫與丈夫近日更為BB女改名叫Raddix Chloe Wildflower Madden,名字又長又獨特。