偷食沙律風波形象插水 保錡事隔一個月終致歉兼停工

花姐盼望保錡變得更好更成熟。

ERROR成員保錡早前疑似無縫接軌，與前女友賴嘉賢（Carrie）未正式分手便撻著新歡沙律（張沛樂），早前跟沙律開Live時又不斷以粗口辱罵網民，形象插水的他更被網民洗版式在ViuTV社交平台留言要求「走保錡」！

保錡貼出一張背影相並上載道歉文。

保錡直認「之前處理感情嘅事做得唔好」，又為直播中爆粗致歉。

事隔接近一個月，保錡昨晚終在社交網撰長文向Fans道歉：「ERROR出首歌嘅MV又好、節目又好，就算肥仔、Dee哥、193做訪問，記者朋友同大家都會追問關於我嘅野（嘢）。我覺得我影響咗好多人，尤其ERROR同一直鍾意我哋嘅人。反思咗好多晚，雖然我講咗好多次會重新出發，但覺得依然欠大家一個交代。我意識到一方面我之前處理感情嘅事做得唔好，另一方面，當晚直播嘅言行舉止係好唔啱，說話亦無尊重過人。呢啲全部都係我嘅過失，我要面對自己嘅錯，出嚟同大家再次道歉。」

保錡認為自己破壞了ERROR形象。

偷食事件曝光接近一個月，保錡終在社交網宣布自罰停工！

他又表示：「我已經同公司講，喺完成手頭上已開始嘅工作之後，所有工作將會暫停。我亦唔會參與任何節目及ERROR歌曲嘅宣傳。作為ERROR嘅一份子，覺得自己連累咗三位兄弟，破壞咗ERROR嘅形象，好對唔住。而家回憶返過去同三位兄弟一齊做嘢真係好珍貴，嚟緊ERROR嘅團歌，希望大家繼續支持佢哋。我知道保錡係大家眼中係一個毫無分寸嘅人，但希望下次大家再見到我嘅時候，會見到一個懂得尊重、願意承擔責任嘅人。我希望用行動證明。」

保錡月初開Live時不斷以粗口辱罵網民，5分鐘內爆粗40多次。

保錡與女友沙律愛得高調。

此Po一岀，不少網民都猜測保錡是否打算退團，有粉絲更擔心ERROR就此解散。不過自爆粗事件後，一直潛水零回應的經理人花姐（黃慧君）就開腔回應：「尊重保錡決定，畀啲時間佢沉澱，知道佢今次好內疚，覺得佢上了人生一課，我有信心保錡再見大家的時候會變得更好更成熟，期待再見到ERROR 4子嘅畫面。」

保錡被前女友Carrie鬧爆男方一腳踏兩船。

一直潛水零回應的經理人花姐首度開腔，盼望保錡變得更好更成熟。

保錡見到阿神堅持完成訓練表示感動，鼓勵阿神一定要完成100日後的臺北「全馬」！

ViuTV節目《安信兄弟為你 呈獻 公司冇迫我跑馬拉松》逢星期一至五晚上10時30分播放。節目組邀請了幾位ViuTV藝人挑戰臺北馬拉松總長42.195公里的「全馬」賽事，並紀錄了藝人於一年內的籌備和訓練過程，其中參與藝人有ERROR吳保錡（保錡）、曾贊學（阿神）、李炘頤（Alina）、蔡寶欣（Pony）、米露迪（Melody）、鍾卓穎（Ash）、蔡宛珊（Sarika）和何洛瑤（Sica）。

米露迪向眾藝人宣佈距離挑戰臺北馬拉松正式進入100天倒數。

今晚（26日）播出的一集，拍攝日期為去年9月7日，米露迪向眾藝人宣佈一項重大消息──距離挑戰臺北馬拉松的「全馬」賽事，正式進入100天倒數。Pony表示：「好驚啊，無時間練習喇，好驚啊我依家，唔係興奮啊。」保錡指米露迪描述倒數時講到「眼火爆」，十分有火，米露迪回應：「我依家儲咗好多火，陣間跑嘅時候要出火喇。」

團練邀得盧巧音（Candy）作嘉賓。

團練撞正「五百年一遇」暴雨。

同日團練邀得盧巧音（Candy）作嘉賓，帶領「疾跑」小隊進行一次長課團練，預設路線由屯赤起步，荃灣西為終點，全程約22公里。不過，天公不造美，訓練期間雨勢不但沒有減緩，還漸轉頻密，堅忍的Pony指：「跑步嘅人，反而唔係好驚落雨，因為落雨反而會降溫同舒服，愈落愈大的時候，我都覺得我要接受呢啲，因為我係跑步吖嘛。」眾藝人的意志不但沒有被雨勢磨滅，反而越跑越起勁。

見天氣持續不穩定，Candy決定與眾人展開緊急會議。

盧巧音帶領「疾跑」小隊進行一次長課。

當時未知暴雨將至，但見天氣持續不穩定，並且沒有轉緩的跡象，Candy決定與眾人展開緊急會議。Candy擔心大家繼續跑下去會雙腳起水泡，影響之後訓練，於是決定縮短路線，將終點轉為深井，眾人最後一同順利完成訓練。

一向「包尾」的阿神，今次訓練裡面一馬當先，更被Candy和保錡大讚。阿神事後回顧說：「跑跑下勁大雨，雨大到形容唔到，好似黑雨。依個經歷唔係拍攝嘅話係好難遇到，就算遇到都未必會完成拍攝。我覺得嗰日各方面都令到我好有火，嗰日好有隊形，令我跑得快嘅原動力，就係大家一齊好開心咁跑，原來係唔攰嘅。」保錡見到阿神堅持完成訓練表示感動，鼓勵阿神一定要完成100日後的臺北「全馬」，揚言：「如果阿神完成到呢，我一定會喊出嚟。」

團練將終點轉為深井，眾人最後一同順利完成訓練。