離晒譜，有冇搞錯啊……
近日一名女網民於網上投稿，批評男友前妻於離婚後仍叫男友幫忙做事，更要兩人所生的兒子幫忙工作，令她不禁上網大呻，但身為局外人卻「唔知可以點」，引起網民熱議。
代購 資料圖片
該名網民於Facebook專頁「生仔要考牌系列」上投稿，指男友的前妻做代購維生，間中要求其男友幫忙「拎淘寶」，更經常選擇在網民家附近的取貨點，直指不理解其行為，稱「我哋各住唔同地區，一個九龍一個新界」。
後來網民向男友表達不滿，現時男友已不太會理會前妻，但因兩人育有一名兒子，故兩人仍會就小朋友的事有接觸。
unsplash圖片
網民指，當時因為前妻紅杏出牆，「仲好快同人有咗BB，所以佢掉返小朋友畀我哋」。
目前就讀小學的小朋友與網民及男友同住，而現時因為疫情都盡量避免讓小朋友外出，以保安全。然而，網民有日無意中發現前妻要小朋友外出與陌生人交收貨品，更要他獨自到速遞公司寄貨及取貨，「原因係佢自己揍住個歲幾嘅B唔方便」。
網民知道後非常生氣，大斥「我百思不得其解，原來那位前妻自己同新歡生嘅BB就要保護，而你自己唔要嘅小朋友就唔使保護？」
網民男友的前妻要小朋友外出與陌生人交收貨品，更要他獨自到速遞公司寄貨及取貨。unsplash示意圖
網民又批評「你生出嚟嗰四個仔女都唔同姓㗎，究竟你害小朋友想害到幾時，你究竟點樣做人老母㗎？」但因她作為局外人，「真係又忿怒，又唔知可以點，好X嬲！」
事件引起網民熱議，不少人批評前妻的行為，「睇親呢啲就嬲！」，但亦有人認為樓主的男友亦有責任，「個小朋友個老豆死咗去邊度？」、「放手你男友吧，一個巴掌拍不響，已經有兩個唔同姓小朋友，仲要娶佢生第三個，佢係邊個啊」、「個阿媽固然X街，但樓主個男友知道前妻咁對小朋友又做過啲咩？」
設計圖片
資料來源：生仔要考牌系列
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
