俗語常說：「過門都係客」。有一名女網民今日於討論區出帖，大呻自己到男友家過年時不斷被要求做事，最後更因此在下一場拜年中遲到而被責備，令她大感委屈。
設計圖片
該名網民於連登討論區上以「未過門已經做咗人地妹仔」為題出帖，她指早前到男友家拜年時，「櫈都未坐暖，佢媽媽就已經要我入廚房不斷幫手做嘢」，她指母親一直教導「一日未過門都仲係客」，但她認為「幫吓手都唔緊要」。
網民無奈指「好似未過門就已經做咗人地妹仔咁」。《BB來了》劇照
但是，她認為應該是大家一齊做，然而男友的父親、弟弟及其他親戚均坐在客廳看電視及打麻雀，令她「內心感覺有啲唔舒服」。
設計圖片
網民又指，當日她已一早表明下午2時半就要走，因為之後要到外婆家拜年，但到夠鐘時，男友媽媽不讓她走，「要我繼續幫佢做埋啲野先，到最後遲左成個鐘先走得」。結果她到達下一埸拜年時遲到，更被親戚責備，她無奈指「感覺好委屈，好似未過門就已經做咗人地妹仔咁」。
帖子引起網民熱議，有人認為樓主應考慮與男友分手，「未結婚前已經係妹仔，男朋友又唔出聲，你諗你」、「你搵定一下個好啦」、「分手啦，都唔尊重你」。
但亦有人認為「唔明有乜問題，唔想咁咪唔上去囉」。
資料來源：連登討論區《未過門已經做左人地妹仔》
網民無奈指「好似未過門就已經做咗人地妹仔咁」。《BB來了》劇照
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
