*

拖新歡母女配眼鏡 鄧兆尊享受「偽親子遊」

幸福!

被封為「現代韋小寶」的鄧兆尊一直鍾意三人行,不過自去年撻着年幼10多歲的「G奶中女」陳小姐後,便撇低跟他超過廿年的「大婆」Carmen和「二奶」Cherry(車厘子),仲帶埋陳小姐上節目,可見新歡地位超然!日前兆尊又攬陳小姐去銅鑼灣行街,同行仲有疑似新歡的十幾歲囡囡。當日兆尊搭實女友睇家品,又笑瞇瞇陪「繼女」企埋一邊等,再護送兩母女上電車後,先一支公行去配眼鏡,其間戴住副Colorful驗光試鏡架的他仲唔覺意賣萌𠻹!採訪:梁志明

【頭條獨家】風騷拖G奶新歡母女配眼鏡 鄧兆尊享受「偽親子遊」

「G奶中女」陳小姐折返睇家品,陪「繼女」企喺門外等女友的兆尊冇詐型,仲好Enjoy。

去年9月,鄧兆尊被目擊陪「新三奶」陳小姐去養和醫院,因為全程對女友呵護備至,旋即惹來陳小姐大肚傳聞,事後兆尊澄清對方只是扭親隻手,更斬釘截鐵否認:「我唔會畀意外發生!」為公平起見,他揚言不會跟任何一位女友結婚或生B,亦講到明自己好憎細路。然而,得寵的陳小姐育有兩名小朋友,兆尊都愛屋及烏,不介意拍拖帶埋「繼女」出街做電燈膽,雖然他承認做「繼父」有壓力,但同小朋友尚算相處得來。

- 閱讀更多 -

Tags:

往下看更多文章