「良禽擇木而棲」的概念，到底可否套用在婚姻當中？
有港媽表示，與丈夫結婚4年，對方月入只有一萬多元，而且學歷不高，一家三口居於唐樓，她亦感到二人感情早已變淡。恰巧早前她在朋友的婚禮上，認識了一名家住跑馬地的男士，於是欲與丈夫離婚，追求「更好」的生活，引起網民嘩然！
非當事人（Getty示意圖片）
一名港媽日前在網上討論區「親子王國」上，以「有筍盤埋身，好想同老公離婚…但個女得2歲」為題發文，指自己與丈夫結婚4年，感情已變淡，又表示對方「賺唔多得1皮多啲，學歷又唔高，而家一家住元朗唐樓……平時開支都係50、50咁出」，言語間似透露出嫌棄之情。
非當事人（Getty示意圖片）
港媽續指，她早前出席一名朋友的婚禮，並認識了一名家住跑馬地的男士，雙方更有意進一步發展感情，「傾咗幾個月大家好情投意合，（對方）仲要住港島」、「住跑馬地唔係Cheap（低下）區」，又指「想帶個女生活好啲」。
非當事人（Getty示意圖片）
有網民看後，認為樓主沒有錯，「唔怪得樓主，生活唔係童話，我地生活係現實世界，自然有現實考量」、「一家唔知一家事」、「婚姻制度同愛完全無關」。不過，大部分網民看完帖文後，都紛紛批評她「背夫偷漢」及價值觀有問題等，「唔係感情淡晒，而係你嫌你老公窮」、「邊有女人甘（咁）唔要面，上網講自己有幾衰」、「同男人拋妻棄女有咩分別 」、「真心講，樓主你精神上都已經出軌」。
非當事人（Getty示意圖片）
另外。2亦有網民好言相勸，「無佢出現你會離婚嗎？你諗返同你老公初初拍拖時，難道不是情投意合嗎？四年後又會唔會淡曬？奉勸你搞清楚呢段婚姻關係，先開始另一段關係」、「最怕你一廂情願，兩頭唔到岸」。
「親子王國」原文
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
