事主稱：「我嬲到差啲一巴打埋去。」
香港不少人都會開着愛車到處遊玩，可謂視車如命。但近日有網民大呻，指借車給「P牌」的親戚練習，沒想到該名親戚胡亂駕駛，令愛車充滿花痕。當事主與親戚交涉時，愛車竟遭反諷為「老爺車」，令事主怒不可遏。
港男心痛愛車被撞花。資料圖片
網民周二（23日）於「香港討論區」以「借部車比親戚個新牌仔揸，刮花咗我部車，仲要笑我部車係老爺車唔想賠！！！」為題發文，事主指有親戚剛剛考獲車牌，希望事主能借車給他，讓他練習。事主為免得失親戚，遂答應其要求。
港男借車給P牌親戚練習，親戚竟撞花其愛車。資料圖片
事主表示，親戚要求到街邊練習，但想不到這原來是惡夢的開始，「一開始比大油上晒行人路，都感覺到個車頭一係花咗一係爆咗，已經燥燥地，鬧佢兩句，問佢個牌係唔係淘寶淘返嚟」。而親戚倒車時更過份，一度刮花其他車輛，嚇得事主急忙叫停。
設計圖片
事主隨即下車查看情況，「成個車頭花晒，車身又花埋，最慘係人哋部車個車頭花晒」，事主立即怒罵親戚，但親戚仍舊不以為然，事主最後更聯絡其母親要求賠償。但其母親卻稱「一場親戚，唔洗搞咁大」，只打算賠償2千元了事，這時親戚竟火上加油，「仲話我部車係老爺車，邊值二千蚊，叫佢老母比幾百蚊好啦，唔好比我呃」。
設計圖片
事主直言當時怒不可遏，「我嬲到差啲一巴打埋去，唔係佢老母阻住，我應該打死咗佢」，事主揚言以後不會再與這一家人有任何來往。
帖文一出便引起大量愛車之人的熱議，不少網民都批評親戚的態度惡劣，又呼籲事主下次不應將愛車借給別人使用。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
