應次子要求整Oreo蛋糕 陳茵媺：最緊要是壽星仔喜歡

Nathan 6歲生日快樂！

上月26日是陳茵媺（Aimee）二仔陳浩鋒（Nathan）的6歲生日，昨日（1日）Aimee將親自製作的慶生短片放上社交網，她以英文留言：「2月26日對我們家而言是非常特別的一天，因為6年前的今日，我們的第二位王子出生了。一個說話溫柔、善良而可愛，總是先考慮別人的男孩，生日快樂。你的出生是其中一件我每天都感恩的事！」

陳氐一家真係好Sweet！

Aimee都錫啖Nathan。

片中可見，Nathan在準備點蠟燭時又驚又期待，但之後即刻勁可愛咁手舞足蹈，仲大唱「Happy birthday to me」！

Nathan在點蠟燭時又驚又期待，係咪因為呢款蠟燭會有火花呢？

之後即刻勁可愛咁手舞足蹈。

仲High爆大唱Happy birthday to me。

蛋糕應該好好食，連囡囡Camilla都好好奇。

而Nathan亦叫媽咪為他準備生日蛋糕，仲要求Oreo味，今次Aimee就整咗佈滿Oreo忌廉嘅海綿蛋糕，加上牛奶朱古力漿同白朱古力作裝飾。Aimee以英文表示：「最緊要是壽星仔喜歡，P.S. 我都忍唔住食咗兩大件！」

蛋糕佈滿Oreo忌廉及牛奶朱古力漿。

再加上白朱古力作裝飾。

陳茵媺笑指母親節收子女砌心形花膠禮物最開心。

自從成為三子女的媽媽，陳茵媺（Aimee）自言對母親節的感受是滿載滋陰養顏的花膠回憶，因為她既是媽媽，也是女兒，每年都要絞盡腦汁親自炮製不同的花膠食譜，務求以自家拿手廚藝，送給家人滋陰養顏、強身健體的無價寶來表達對他們的愛！

Aimee自言對母親節的感受是滿載滋陰養顏的花膠回憶。

Aimee更直言花膠是他們的「家傳之寶」，因為自小媽媽就喜歡以花膠炮製家傳靚湯，令她從小到大的皮膚彈滑緊緻，養顏有術，讓她決意傳承家傳花膠靚湯，亦希望子女長大後也能一代一代傳承下去，感受母親無私的付出，是對家人無價的愛！

Aimee指花膠是他們的「家傳之寶」。

與其說Aimee對花膠情有獨鍾，倒不如說她已把花膠當作是其中一樣愛的禮物！Aimee：「記得細個媽媽總會煮花膠俾我食，話花膠對女仔皮膚好有功效，好養顏，可以令皮膚嫩滑。當時都未係好明花膠對皮膚嘅好處，但每次都會在廚房望住媽媽煲花膠湯呀、燉花膠呀，甚至乎用花膠炮製家常小菜，一邊傾計，場面好溫馨，令我同媽媽嘅關係更加close，到而家我地亦係大家嘅『閨密』！花膠間接令我深切感受到媽媽對我嘅付出和無限嘅愛，也成為我其中一個滿載母愛嘅童年回憶！」

花膠間接令Aimee深切感受到媽媽對她的付出和無限的愛。

已為人母的Aimee，對家人的愛，也傳承了媽媽以花膠炮製靚湯食譜的精神，藉著母親節，更特別希望可親自下廚炮製花膠。Aimee：「我記得細個媽媽好鍾意煲花膠椰子木瓜燉竹絲雞湯俾我飲，算係其中一款家傳花膠靚湯！所以我平時都會煲俾小朋友同老公飲。至於母親節當日，我希望可以炮製花膠靚湯之餘，亦試下用花膠整甜品，咁大家都可以有一個甜到漏嘅母親節！」

藉著母親節，Aimee特別希望可親自下廚炮製花膠。

講到今年最希望收到嘅母親節禮物，Aimee話無論仔女送乜嘢禮物俾佢，佢都會好開心！Aimee：「身邊嘅朋友知道我鍾意食花膠，仲講笑話如果收到仔女用花膠砌個心形圖案送俾我，問我係咪會唔捨得食呢！」

Aimee指母親節無論仔女送乜嘢禮物俾佢，佢都會好開心！