有網民指「食到喉嚨痛」
薄餅有少少燶可以話係「脆口」，但太燶的話就只能叫「暗黑料理」了。有網民表示，早前在一間薄餅餐廳買了一個薄餅，怎料回家打開盒才發現薄餅的底面全燶，令他感到相當氣憤！
「中伏飲食報料區」Facebook圖片
一名網民在社交媒體Facebook群組「中伏飲食報料區」上載圖片，指自己近日在元朗一間餐廳外賣了一個薄餅，滿心歡喜地打開時，卻發現薄餅表面幾乎都烤焦了，只有近中間部分的芝士正常；更誇張的是，薄餅底竟是啡黑色的「全燶」狀態，令他感到既無奈又氣憤。
網民外賣薄餅發現底面全燶，被嘲似鞋底。「中伏飲食報料區」Facebook圖片
帖文引起網民熱烈討論，不少人都很同情樓主，認為該間餐廳的做法過分，「咁都出得，不如唔好焗，直接比個生嘅客自己焗啦」、「冇可能唔退喎...食到喉嚨痛」、「咁都得，間鋪想早啲執」。
「中伏飲食報料區」Facebook圖片
另外，亦有不少網民搞笑回應，「佢（餐廳）應該覺得外賣冇仇報」、「焦糖pizza，新口味，特登俾樓主試食嘅」、「曬左（咗）加洲陽光」、「木炭pizza？」、「以為係鞋底」、「仲黑個（過）我同事塊面呀」、「你係咪叫咗葡撻pizza」。
「中伏飲食報料區」原文
資料圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
