Alfred對於任何有心做好的平台，他也會亮相支持。
許廷鏗（Alfred）與鄭欣宜（Joyce）一同出席《Chill Club推介榜 年度推介20/21》記者會，兩人更齊齊着裙亮相。Alfred得知Joyce着裙所以決定「跟風」，體驗過着裙後，他笑言終於明白女人心意，着裙感覺好方便，無束縛又通爽。
一眾歌手出席《Chill Club推介榜 年度推介20/21》記者會。
許廷鏗昨日着裙亮相。
問到兩人可有信心得獎，他們則互笠高帽，均表示對對方本年度的歌好有信心。早前Alfred缺席TVB與三大唱片破冰的記者會，他解釋當日有獲邀，但自己要幫病人整牙，時間倉促故未能出席。Alfred聲言日後都會有機會在TVB亮相，又指相當期待回去見一班幕後工作人員，對於任何有心做好的平台，他也會亮相支持。
許廷鏗解釋因要幫病人整牙，所以缺席TVB與三大唱片公司破冰記者會。
Joyce亦認同Alfred所言，她指過去一年看見不少平台都願為樂壇出力，包括ViuTV第一年舉辦音樂頒獎禮，而TVB亦有新動向，讓觀眾可以透過更多不同平台接觸歌手，作為歌手一定開心「say yes！」
許廷鏗與鄭欣宜互笠高帽，對對方本年度的歌曲有信心。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
