其實好危險。
其實個傷咁近對眼好危險囉。
27歲嘅顏卓靈(Cherry)之前忙宣傳《狂舞派3》,電影累積票房超過538萬港元,成績都唔錯,如果未睇就不妨支持吓。講返女主角Cherry,雖然冇得出國旅行,但佢都有辦法令到自己好似去咗旅行咁,就係去滑雪嘞,其實香港仲有兩間室內滑雪訓練學校,估計佢應該係去呢啲地方滑雪啦,重點係佢滑雪受傷,仲撞花咗眼角,搞到紅咗一撻,遠望似化妝,當事人可能覺得好得意,自拍傷勢,仲話自己似鍾無艷,真吹脹,而佢嘅Hashtag都好勵志吓,仲講得好啱:
「#不跌倒怎麼懂爬起來
#就算有疤
#依然可愛
#你們不愛
#我也自愛」
圈中朋友王敏奕就留言叫佢帶頭盔,陳凱詠就想讚佢個妝幾有型,而唔少網友仲讚佢靚咗添,Well。
自拍一。
自拍二。
《狂舞派3》。
劉俊謙在《罪與罰》中飾演殺人後備受良知責備的輟學學生,而顏卓靈則演繹出於污泥卻保持純真的妓女。
剛剛完成新劇宣傳的劉俊謙日前飛回香港聯同顏卓靈、袁富華、陳湛文、區嘉雯 一衆好戲之人一同參與第52屆香港藝術節節目記者招待會。聯同眾多本地實力演員參演由英國名導菲利普.布林及其創作團隊,攜手煉製這部國際級舞台鉅獻,演繹一場終極的自我審判與救贖。
第52屆香港藝術節節目記者招待會。
阿謙日前從台灣完成拍攝和宣傳工作後,匆匆返港出席是次舞台劇記者招待會,「我都有好幾年冇參與舞台劇演出了,疫情過後大家已經重拾心情,再度回到劇場,今次演出我都好希望會多啲人買飛睇啦,劇本原著係俄國大文豪杜斯妥也夫斯基嘅作品,佢嘅作品裏面探討好多關於道德價值嘅嘢啦,存在同人生意義啦,呢啲嘢我覺得係好接近現今世代大家會思考的一些問題!」
陳湛文、顏卓靈、劉俊謙
問到劉俊謙點樣為今次呢個角色去作準備?他表示:「我心情期待緊張,因為未見到導演,唔知道佢會將日本版點樣去改編,並且將呢個故事發生喺香港相信會好特別,期待同導演見面。現在自己開始做吓啲資料蒐集,嚟緊嘅日子就係開始綵排,希望明年年初會帶俾大家一個好睇嘅劇目啦!」
陳湛文、顏卓靈、劉俊謙
香港舞台改編由英國屢獲殊榮著名編劇及導演菲利普.布林操刀,其2019年的日本舞台版由已故知名演員三浦春馬,及影視紅人大島優子擔綱主演,引起迴響,更經當地劇場觀眾票選,於「WOWOW劇場獎」中榮獲最佳舞台劇獎及最佳表演者獎(三浦春馬)。2024年香港版以全新面貌登場,不僅譜上現代色彩,還邀得電影《幻愛》男主角劉俊謙、憑電影《狂舞派》獲金馬獎及金像獎最佳女主角提名的顏卓靈、憑電影《翠絲》獲金像獎最佳男配角的資深演員袁富華,夥拍人氣實力派演員陳湛文、區嘉雯,以及眾多舞台劇實力演員,星級陣容合力打造史詩鉅作。
《罪與罰》故事峰迴路轉,當中劉俊謙飾演殺人後備受良知責備的輟學學生,顏卓靈演繹出於污泥卻保持純真的妓女,袁富華則飾演對劉俊謙窮追猛打的檢察官,二人鬥智鬥力,互飆演技。全劇節奏明快,角色豐富,規模龐大,配合精采的現場音樂,香港一眾優秀的台前幕後,與來自英國的導演、佈景、服裝等創作團隊,攜手傾力煉製這部國際級舞台鉅獻,一場深刻厲害、充滿思辯性的終極善惡交戰,矚目上演。
《罪與罰》門票預訂將於10月13日上午10時起正式開始。