網民安慰「唔使咁大壓力畀自己」
有網民在facebook專頁「奴工處」發文抱怨，因為遲交文件一日，而被客戶訓斥到激動落淚，引發網民議論，而懷疑是發文者所指的客戶則隔空駁火，稱對方「甩漏成癮」連累被上級責怪，「今次你又漏嘢又我唔啱呀？」。
Getty圖片
有網民在專頁發文，稱某日被客戶發現一份報告遲了1日仍然未交，「佢打嚟鬧我話：我睇唔睇係我嘅事，就算你OT都要死份嘢出嚟畀我。」發文者形容她「嬲到喊」出來。有網民都留言安慰，「做人係咪一定要對其他人殘酷?」、「唔使咁大壓力畀自己，以後記住呢個客難湊，自己上心啲」。
Getty圖片
不過劇情發展逆轉，今日專頁上有一名懷疑是涉事的客戶方發文，反駁「唔知遲交畀客鬧到喊嗰單嘢係咪講緊我，如果係我，真係冤枉呀大姐！」。
Getty圖片
客戶批評，「你甩漏成癮，每次都冇悔意，有困難又唔攤出來講」。客戶指，「上次你哋遲咗出Invoice（發票），隔咗3日就追我畀錢，大姐我哋公司雖唔係大但有制度，唔係你隊張單來第日就變到錢架！要畀好多人簽名架！」
Getty圖片
客戶指，「你累我俾我大佬剷咗鑊甘我都冇X返你啦，今次你又漏嘢又我唔啱呀？」
有網民說，「就算單嘢係咪講你，果個人遲交都無資格嬲返人啦，點睇都應該係個客嬲到喊」、「寧願上嚟圍爐取暖都唔寧願交貨俾人，仲要死不悔改，推卸責任...交貨就識遲，收錢就要立刻，而家呢個世界咩態度」
帖文轉載自facebook專頁「奴工處」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
