網民已出社會工作數年 仍屢遭媽媽擅自拆信翻袋無晒私隱

有人留言為這位媽媽設計對白：「我養大你有乜唔知得！」

有網民在「香港討論區」表示，出來社會工作數年，但媽媽經常擅自打開信件及翻看隨身袋，令他覺得不滿。

網民投訴，出來工作兩三年，明明是他的銀行信、信用卡信、公司信等，媽媽每次都會向他抱怨「做咩碌咁多卡呀」、「銀行咁多錢做咩唔畀多啲家用」等。他已經多次提醒不要再拆開信、偷看私人信件，但媽媽依舊不改。

網民不滿母親經常擅自翻查他隨身物品。unsplash示意圖片

網民透露，媽媽近日更趁他不留意就摷隨身袋。有幾次他去完廁所見到媽媽正在搜看物品。

他指，「為咗唔衝突，我已經袋不離身，我以為佢咁會知有問題，點知琴日Day off同佢出去食飯，我一時大意放低個袋，返嚟已經見到佢又摷緊」他不解為何媽媽總是喜歡搜看他的物品，「我又唔係冇同佢分享，佢問乜我都有答佢呀，到底有乜咁好奇呢？」

網民不滿母親經常擅自翻查他隨身物品。unsplash示意圖片

有網民認為，「我以前都會睇阿仔啲嘢，不過升到中學就無啦，要信任，同埋有私隱、「我都係兩樣都發生過，私隱嚟嫁，佢地覺得我有咩秘密唔可以畀佢哋知」

有人建議，「用e-statement，用埋電子支付，連碌卡單都唔洗keep。」、「你唔直接問下佢？再唔係開個私人信箱，試下扮摷佢個袋，但佢知道咩感受」、「你阿媽已經習慣摷你啲袋，應該由少時書包開始，要佢改依個習慣真係會好難，嘈！只會傷感情，可以考慮試下你摷返佢啲私人物品，仲要一定要俾佢知，如果佢唔鬧你就真係無符了，佢鬧你就可以同佢講依啲係討厭行為，大家都唔好做」。

網民不滿母親經常擅自打開他的私人信件。unsplash示意圖片

但也有父母是例外，「我仔16想我日日幫佢睇埋WhatsApp, 因為學校有咩要交帶都在WhatsApp, 佢成個袋及電話任我睇，我反而唔想睇」。

帖文轉載自「香港討論區」

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」