不少老人家都希望晚年可以弄孫為樂，但卻未必個個後生仔都想生。一名網民近日於網上大呻奶奶好想抱孫，常常催促她及老公生仔，更要求是一仔一女，但網民坦言兩夫婦都不喜歡小朋友，故果斷拒絕，引起奶奶不滿。
設計圖片
該名網民於Facebook專頁「生仔要考牌系列」上投稿，指與老公拍拖8年後結婚，婚後奶奶開始催促兩人生仔，更要求是一仔一女，兩人果斷回答「唔生」後，「奶奶就即刻鬧我哋鬧到狗血淋頭，黑曬口面，講啲好難聽嘅說話」。
奶奶指，「小朋友生於香港真係非常幸福，又有免費教育，又有學生資助，唔驚冇錢就冇書讀，邊似以前咁樣讀完小學就要出嚟做嘢，冇錢再讀落去咁淒慘？」
設計圖片
「而家咁好嘅機會，梗係要好好珍惜喇，社會資源又充足，成績好又有獎學金、助學金」、「香港醫療真係非常好！就算小朋友有啲咩缺陷，例如學習障礙、言語障礙，政府又有治療，所以冇錢真係唔使驚」。
網民面對奶奶的一連串攻勢只好無奈上網傾訴，她指，其實與老公的經濟環境不錯，但是兩人真的不喜歡小朋友，「曾經幫家姐照顧個小朋友一陣已經搞唔掂，家姐嘅小朋友讀緊小學，成日打交，我哋又唔知點處理」，另外，小朋友喜歡發問，網民亦擔心兩人只有中學學歷未能應付，「唔似得其他有學識嘅家長可以逐步去解釋」。
設計圖片
他們認為「唔係錢嘅問題，就算中咗一億六合彩頭獎都好，我哋都係唔會生，有錢唔代表識得教！」
帖子引起網民熱議，不少人讚同樓主夫婦的做法，又認為奶奶應尊重兩人，「夫婦之間有共識，長輩都要去尊重」、「好好，同另一半一早有共識，有責任想法！」及「唔鍾意真係唔好生！最緊要兩公婆有共識」等。
有人則認為「今時今日仲係香港生小朋友，可能係害佢」。亦有人建議樓主「下次唔駛咁老實，直接答奶奶話努力緊。大把人想生都冇得生」。
網民坦言兩夫婦都不喜歡小朋友，故果斷拒絕，引起奶奶不滿。資料圖片
資料來源：生仔要考牌系列Facebook
