新冠肺炎疫情影響不少人的「飯碗」，保住份工及搵工同樣難。一名中年失業漢表示，失業後轉行做侍應，但感到老闆戴有色眼鏡看待他，認為他的工作能存較年輕人遜色；某次他在客人面前做錯一件小事，老闆更即場將他解僱，令他不禁怒斥「公平咩？」
設計圖片
一名50歲的男網民早前在「香港討論區」上，以「50歲人轉工做侍應都仲要比人炒」為題發文，指自己本來從事駕車工作，但去年因被罰扣分及吊銷牌照，無奈之下被迫轉行。幸運地，樓主之後很快就找到一份餐廳侍應的工作，但似乎就做得不太高興。
一名中年漢失業後轉行做侍應，但常疫嫌手腳慢，之後更因小事而被炒。unsplash圖片（示意圖）
樓主表示，與他同為50歲的老闆總認為年輕人動作較快，又對他不太友善，更經常暗示他「做嘢慢」，令他深感不滿，「佢（老闆）唔念（諗）吓邊個最後一個收工，雖然冇咩做，但我會好義氣等到大家走先一齊走；嗰班80、90後個個一打完卡，『落場』有時衫都唔換就走咗。」
設計圖片
直至上周二，樓主不小心送錯熱水給客人，對方投訴被燙傷，老闆就即時將事主解僱，並補足7日代通知金給他。樓主感到不忿，認為老闆一直視他為眼中釘，如今終有藉口將他辭退，不禁怒指：「公平咩？一次半次啫，佢分明針對我，我覺得冇咩錯喎我。50（歲）有幾老？我覺得佢應該包容吓50歲，佢自己都50歲啦。」
設計圖片
不過，一眾網民看完帖文後，都紛紛認為樓主做錯事在先，應該加以反省，而非大大聲抱怨，「咁你真係做錯野喎無得賴」、「個老闆寧願俾7日人工你都要你走，睇嚟你要諗下自己喺工作上有何不足，然後喺下一份工改善，而唔係埋怨」。另外亦有網民鼓勵樓主重新出發，「唔炒都炒咗啦，算罷啦，東家唔打打西家囉」、「樓主加油，轉行唔容易，樓下有間餐廳都有啲中年新面孔，睇得出唔係做開，但越做越好」、「加油，心態好重要」。
