不少網民都勸事主應立即分手。
情侶到了談婚論嫁階段，自然就想希望可以擁有屬於自己的安樂窩。近日就有女網民在網上訴苦指，與男朋友拍拖8年，準備買樓上車。但最近男友竟然因炒股而將辛苦儲得的積蓄都全部輸光，無辦法付首期，令到女網民不知所措，急向網民求救，並感嘆似被男友背叛。
資料圖片
該名女網民於討論區發文指，與男友拍拖以來，辛苦儲了一筆錢，打算買樓計劃結婚。兩人更選好心儀的單位，並已於上星期落訂，不久就要付首期。但近日男友向她坦白指，因為誤信朋友炒孖展，而將兩人辛苦儲得的積蓄輸掉了，令女網民頓然感到愕然，不知應該如何是好。她到討論區上求問網民意見，並大吐苦水，「點解可以咁對我? 計埋自己啲私己錢唔夠畀，點算好?」
該女網民其後續指，打算自己借錢付首期，並坦言因為與男朋友十分合得來，因此不想就此而分手，但亦感到有種被男友背叛的感覺，「一齊8年，基於信任...點會估到佢咁對我，我好鍾意果個單位，有小小海景睇， 好想上到車呀。」
資料圖片
帖文隨引起網民熱論，不少網民都勸該網民應立即分手，並指「一次不忠百次不容」、「一定會再發生，到時結左婚生埋仔妳點算？」，亦有網民直斥男友的誠信有問題，「唔同你商量吓就攞啲錢炒孖展，咁仲叫夾好?啲錢你都有份㗎，佢完全唔尊重你，叫佢還翻啲錢畀你，分手算啦」。
資料來源：香港討論區
資料圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
