湯洛雯願意演奸角扮狐狸精 避談婚期：唔答咁實

她指凡有發揮空間的角色都會接。

對於頻頻被催婚，靚湯稱與馬明只拍拖數月，仍需多了解，希望外界給予他們多些空間。

33歲湯洛雯（靚湯）和47歲馬國明（馬明）認戀8個多月，一直愛得高調又甜蜜，引來全城催婚！有消息指他們已着手籌備婚禮，並於今年8月拉埋天窗。新劇《失憶24小時》拍檔譚俊彥（Shaun）更爆料：「可能佢哋已經簽咗紙！」靚湯即否認婚訊。問到靚湯今年會否嫁人？她受訪時稱「唔答咁實」，僅透露下月開劇拍到9月，之後會安排其他工作，仲忽然低調唔講馬明。但轉個頭，分隔兩地的「湯馬」又於IG晒定情公仔，閃盲一眾網民。

「湯馬」公開戀情8個多月屢傳婚訊，有指二人於今年8月結婚，圈中好友亦已預留時間出席婚禮。

馬明也於IG晒出定情公仔。

上周馬明北上拍劇《白色強人II》，愛得癡纏的「湯馬」才分開一日就於IG晒定情公仔，隔空傳情。

湯洛雯曾於無綫劇《心理追兇Mind Hunter》飾演臨床心理學家，與馬國明咀戲連場。時隔4年，她於熱播劇《失憶24小時》再演心理醫生，與對手譚俊彥更上演從影以來最激吻戲，搞到靚湯都好尷尬，「之前冇㗎。（因Shaun較吸引？）一定係啦，哈哈！其實通常蜻蜓點水，今次錫到瞓喺度先尷尬啫。」對於再拍激情場口，靚湯稱咀嘴也可以，摸就要視乎劇情需要，「其實奸角都想試吓。（狐狸精？）無所謂，角色吸引、多發揮都想做，或者好爛撻撻、講粗口都OK。」為拍劇和電影，她亦不介意像《殺手》中的龔嘉欣剷青，難道搏攞獎？「獎項唔係我目標，唔應該因一個獎而否定自己，其實每年都學緊嘢，進步先最重要。」

靚湯稱於新劇《失憶24小時》中，跟Shaun上演從影以來最激一吻，搞到她少有地拍到尷尬。

劇中靚湯與Shaun學跳拉丁舞，她表示稍後打算學Pop dance。

自去年6月認戀後，次次提及馬明都侃侃而談的靚湯，早前被問到婚期時卻表示講到悶，今次也明顯不欲多談，她坦言沒料到一直大方回應卻遭頻頻催婚，「我哋只係拍咗幾個月拖，正常Couple都要了解，好開心大家祝福我哋，但有番少少空間會好啲。（好大壓力？）又唔係，但唔想一講我就聯想結婚，因為我仲係搏殺期，好想大家聚焦工作，所以都唔再講咁多。」

一向大方講馬明的靚湯忽然稱專注工作，不想再回應戀事。

靚湯前年尾購入價值半億的馬鞍山別墅，慶幸去年疫境下仍接Job、拍劇和電影，故供樓壓力不算太大。

事業心重的靚湯為拍戲可以剪短頭髮、講粗口，無懼女神形象破滅。

提到曾揚言馬明封帝即結婚，她稱純粹講笑，本來想藉此終止這個話題，未料再惹來婚訊！若馬明當時得獎可會兌現承諾？靚湯說：「而家都冇，唔講喇。（好在冇中？）過咗去喇。」至於傳8月出嫁，問婚期是否近？她僅答：「唔知。（今年內？）8月唔會，9月都應該唔會。（12月前都唔會？）唔答咁實喇，而家真係冇呢個Plan。」

靚湯表示冇後悔於頒獎禮前，戲言若馬明封視帝就結婚，但認為再惹婚訊「好誇張」。

靚湯與馬明於無綫劇《心理追兇Mind Hunter》咀戲連場，她指拍拖後雙方也沒下禁親熱令。

靚湯透露將與妹妹一齊開YouTube Channel，分享時裝、美容、畫畫心得，助妹妹開創副業做KOL。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。