一提老爺王敏奕即偷笑 袁偉豪否認「造人」做到殘：時間分得好好

Ben強調自己已非十八廿二。

喺老婆幫手護理下，袁偉豪靚樣回歸，同王敏奕為TVB新劇《把關者門》拍煞科戲。

39歲「底褲大王」的三億駙馬袁偉豪（Ben) 早前出席《萬千星輝頒獎禮》時，被網友狠批未老先衰，嚴重走樣！嬲到阿Ben同網民開火，咬牙切齒回應「醜男論」。事隔兩個月，袁偉豪靚樣回歸為TVB新劇《把關者們》拍煞科戲，獲監製關樹明及同劇演員王敏奕大讚靚仔！但Ben仍耿耿於懷：「呢行飯好難食㗎！」在旁的曾志偉新抱仔王敏奕Feel唔到有幾難捱，堅持唔覺老爺做咗TVB高層令佢有優勢！

網友狠批 就係呢張相，袁偉豪被網友狠批狀態大不如前，膠面肥腫難分。

疲於健身 台慶期間因為多嘢做，加上勤做健身，搞到個樣有啲殘。

隔空開火 袁偉豪喺社交網同網民隔空開火，咬牙切齒回應「醜男論」，強調負面批評只會成為動力。

痛定思痛，日前袁偉豪拍TVB新劇《把關者們》一場煞科夜戲時，靚樣回歸！該場戲講他英雄救美，眼見王敏奕遇危險，畀車追，因而拖住她跑入後巷，再協助她跳上簷篷脫險。袁偉豪喪跑咗幾次，之後要扶Venus爬上垃圾桶頂，再出力抱住她雙腿，推她上簷篷，連環動作令阿Ben索晒氣，攰到不得了，反讚Venus係短跑高手！其中有一吓因為太用力，搞到王敏奕撼頭埋簷篷，擦損咗手掌，好彩有監製糖水「萬歲」滋潤返！ 

短跑高手 袁偉豪拖住王敏奕喪跑，大讚女方係係短跑高手跑得好快，笑言應該由佢嚟救他！

身手靈活 跑完100米，袁偉豪扶住王敏奕爬上垃圾桶頂，29歲王敏奕身手靈活，完全冇難度。

夠氣夠力 之後袁偉豪要出力抱住Venus雙腿，推她上簷篷，真係要夠氣夠力先得。

好介意被指走樣

早前被網民嘲諷「走樣」膠面，袁偉豪坦言好介意：「我本身唔係好靚，亦都唔係醜樣，始終因為疫情，屈喺屋企就會爭少少，加上之前台慶又忙啲。而家我搵到個竅門，寧願跑步出咗一身汗去埋位，好過做完健身去埋位。同埋呢排食好少嘢，冇食晚飯，而且食得好清，食椰菜花飯，所以拍呢個劇個樣都ok。」在旁監製讚袁偉豪好掂：「我梗係覺得佢得啦，男主角嚟嘛，最buy佢肯默默付出。」記者取笑他係咪新婚，「造人」做到殘晒？他即澄清冇咁嘅事：「唔會咁啦，呢啲嘢我時間會分得好好，我唔係18、22好好精力嗰隻嘛！40歲要養生，會將精神放喺音樂創作、休息方面。」

可愛豹貓 劇組人員帶可愛豹貓探班，令攰到爆嘅袁偉豪、王敏奕心情大靚。

認真睇片 兩人認真睇返playback，相當用心。

監製「萬歲」 因為拍煞科戲，監製關樹明「萬歲」請劇組食糖水。

王敏奕做好自己

傳王敏奕將取代菊梓喬成為「星夢一姐」，有個老爺曾志偉係TVB高層，問係咪有着數？王敏奕偷笑帶記者遊花園：「我選擇呢條演員路及感情路，行到今日都好努力做個好演員，冇後悔當日決定，做好自己嘢先。」袁偉豪忍唔住代答：「其實唔係冇優勢嘅，點都有啲，但有就要珍惜，唔好令人失望。」王敏奕猛笑點頭話講得啱，又學到嘢。袁偉豪繼續教路：「只要謙卑、認真工作態度就夠，如我狀態唔好，個樣衰啲，咪做返好佢囉！不過，呢行飯好難食㗎！拍條片個樣好啲，又畀人話用咗濾鏡，是旦啦，我唔用你都用㗎啦！又話我唔化妝好殘，個樣衰成咁，講咁多你想我點先？返屋企瞓覺啦！」他愈講愈忟：「我企出嚟，正正經經打官腔嘢又話我假，成日要人講啲咁真心嘅說話，你哋啱唔啱聽先？真心回應你哋，又話我有態度，究竟我為你而活定為我而活？話我食軟飯，係嘅話仲使出嚟拍嘢咩？享受人生好過啦！之前結婚都使晒銀行啲錢，我都煩緊幾時要供樓，我要靠呢幾年努力去賺錢，目標係供滿層樓改返寫我老婆個名，但呢刻要靠兩個人嘅能力先供得到。」王敏奕聽到興高采烈，拍手大笑，大讚他好有智慧。

甜蜜放閃 袁偉豪兩公婆喺清水灣豪宅內開餐放閃，酸民即留言攻擊。

星夢一姐 傳王敏奕將成為「星夢一姐」，但她強調連老公曾國祥都冇老爺厚待，更何況係佢？

「袁咕碌」人如其名「圓咕碌」，更可愛到「畀女圍」，比爸爸更受歡迎！

張寶兒（Bowie）與袁偉豪（Ben）結婚三年，二人在去年6月公布懷孕的喜訊，愛情結晶「袁咕碌」袁晞祐於同年11月出世。已經四個月大的「袁咕碌」人如其名，體重達同齡的生長線的頂點，更可愛到「畀女圍」，可謂比爸爸更受歡迎！

張寶兒與袁偉豪上月為寶貝仔舉行百日宴，筵開32席，廣邀圈中好友分享喜悅。

「袁咕碌」人如其名「圓咕碌」！

袁偉豪和張寶兒日前帶了「袁咕碌」到醫院做兒童保健，張寶兒在IG分享影片，片中袁偉豪抱着囝囝專心聽醫生講述報告，醫生說：「今日重8.08kg，都去到好頂頂，身高64.5cm，挨近中線位，頭仔同之前差唔多41.5cm」。張寶兒大讚讚「袁咕碌」好犀利，並問囝囝對報告是否滿意，想不到「袁咕碌」好像聽得明，竟然向媽媽點頭，非常可愛！

袁偉豪抱着囝囝聽醫生講報告。

「袁咕碌」體重達8.08kg，達同齡的生長線的頂點。

袁偉豪好聽。

「袁咕碌」都好專心聽。

聽到媽媽張寶兒對報告是否滿意？

「袁咕碌」向媽媽點頭回應。

好可愛！

張寶兒留言道：「晞祐BB去咗做兒童保健～見返熟悉的姑娘姐姐同埋醫生哥哥，你一啲都不怕（陌）生，生長圖仲顯示你已經係人哋六個月的高度同重量，睇嚟你自己都好滿意呢個成績！咁返屋企你就繼續加油吃奶做運動啦！媽媽睇好你！#袁咕碌 #四個月 #會點頭示意的寶寶 #兒童保健」。

此外，張寶兒又分享了另一段影片，可見「袁咕碌」被五名護士圍着，並爭相要抱抱他，張寶兒也忍不住笑說：「睇吓幾多姑娘圍住佢，爸爸繑埋手，哈哈！你睇吓幾多人圍住佢，哈哈！」被「忽視」的袁偉豪只能無奈地看着囝囝笑。

見完醫生，「袁咕碌」就「畀女圍」。

袁偉豪都好無奈。

五名護士爭相要抱抱「袁咕碌」。

比爸爸受歡迎！

不少網民看過影片後都笑指「袁咕碌」比爸爸受歡迎，「晞祐大受歡迎」、「兒子太受歡迎啦！爸爸都要企一邊」、「唔怕生保人，好叻仔」、「好醒目，好得意呀」、「B好可愛，他唔驚人好勇敢好叻仔，他做健康檢查咁乖一定可以健康成長」、「人見人愛的bb」、「佢仲受歡迎過爸爸」。