娛圈事
兩人向來老友。
許廷鏗（右）傳私下接Job而遭華納唱片雪藏，胡鴻鈞力撐對方堅持理想去做。
胡鴻鈞今日為TVB新劇《十月初五的月光》到流浮山取景，雖然比同劇的何依婷較少外景戲，但他自言也曬黑不少，胡鴻鈞說：「不過我不覺得辛苦，亦較喜歡冬季衫，因為有層次感。」
胡鴻鈞與何依婷為TVB新劇《十月初五的月光》到流浮山取景。
對於好友許廷鏗被指持寵生嬌，更私下接Job而遭華納唱片雪藏，胡鴻鈞自言最近忙於拍劇，休息時間也不夠，也是從報導獲悉事件。
他說：「我覺得最緊要繼續努力，這行好多是是非非不同新聞，最緊要知自己的目標。（有指許廷鏗跟星夢也不歡而散？）我不太了解，這些事情自己經歷過，但不要被新聞影響，堅持自己理想去做。（有聯絡許廷鏗？）睇下遲啲有冇機會。」
胡鴻鈞（左）與許廷鏗（右）老友鬼鬼。
至於TVB復辨《翡翠歌星賀台慶》，胡鴻鈞認為是好事，尚有半年時間可以練定歌。
胡鴻鈞
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
