艾妮出道一年同張家輝拍廣告 笑指攞正牌抽影帝水

可能唔少艾妮嘅男歌迷會妒忌張家輝。

艾妮作為新人，就有機會跟影帝張家輝合作，還有親密戲攞正牌抽水，確是開心的！

出道一年的艾妮（Elly），11年參加《超級巨聲3》因家人反對入行，結果大學畢業便當了6年手術室護士，但她一直沒放棄歌手夢想，繼續兼職唱歌，終再遇上簽公司正式出道機會。

現年31歲的Elly坦承作為新人可能較輸蝕，但勝在人生閱歷豐富。

今次得到家人支持下，艾妮當新人這年雖遇上疫情，機會仍接踵而來，最近更有機會跟張家輝合作拍廣告演一對，她笑言攞正牌抽水，叫大家不好妒忌佢喎！

提到捉住張家輝隻手摸自己塊面，Elly個樣勁冧。

今次Elly跟張家輝拍的保險廣告，以短片形式拍攝，對手戲也不少。

11年Elly以原名林麗詩參加《超級巨聲3》，但因家人想她找份穩定收入工作，結果她大學畢業便當上護士，但她並未放棄追夢，「呢6年時間一路做護士一路有唱歌，唱歌如果放棄咗會好可惜，我返工係朝九晚六，夜晚照去唱歌，嗰陣時冇乜時間剩，我一日係返16個鐘，返去瞓覺起身又返工，但係我好enjoy嗰陣，去到19年認識公司嘅同事，有機會去試音，跟住入行出唱片。」Elly坦承覺得這次是最後機會，加上家人大力支持，爸爸更成為她的頭號粉絲，所以當時決心以29歲之齡由新人做起，「佢哋會同番我講，條片出咗啦！我未知佢哋已經知，又話多人睇，啲人留言講咩，我每日返到屋企，我阿爸係播緊我啲歌㗎，佢係頭號fans。」

早前Elly在《2020年度勁歌金曲頒獎典禮》，跟袁偉豪和謝東閔齊攞最受歡迎新人獎。

去年Elly推出HiFi碟《Closer》舉行簽名會，吸引不少粉絲到場支持。

除了唱歌，Elly入行後對演戲愈來愈有興趣，繼之前在網劇《女法醫》跟台灣型男張孝全合作，最近有機會跟影帝張家輝做對手戲拍廣告，「今次再到張家輝做對手戲，都有緊張，因為我啲同事好衰嘅，淨係話『你同張生合作』，我當初以為係張敬軒，原來係張家輝，我係unbelievable，後尾收到劇本知道要做佢女朋友、跟住老婆，再做大肚婆，係有好多新嘗試未做過。」到埋位時，因張家輝太nice令Elly壓力全消，「見到佢好好人，好睇後輩，個人都放鬆咗好多，冇之前咁驚。」講到廣告有不少親密戲，她笑言：「啲fans唔好妒忌我，今次係攞正牌，導演叫我做，乘承機抽吓水，好開心有得抽影帝水！」而Elly最希望下次有機會正式跟張家輝合作演戲。

11年，Elly以原名林麗詩參加《超級巨聲3》。

自認「洗碗達人」的泳兒大嘆：「我驚嫁唔出！」

由森美、馮盈盈、陳若思及倪嘉雯主持的問答遊戲節目《OneDegree家居保險呈獻：HOME即是識》，逢周一至三晚10點半翡翠台播映。《HOME即是識》是一個關於家居大小事的問答遊戲節目，透過問答遊戲及做實驗等不同方法教曉觀眾家居大小事。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！

陳若思（左起）、森美、馮盈盈擔任主持。

泳兒、黃明德

許靖韻（右）、艾妮

波兒（左）、Yanice

柏喬、顏太

Ricky（左）、羅記

Nic（左）、Winnie

上周三（2月28日）晚播出的第五輪初賽由藝人隊泳兒＋黃明德、許靖韻＋艾妮擔任嘉賓，素人隊則有波兒＋Yanice、柏喬＋顏太、Nic＋Winnie和Ricky ＋羅記。泳兒甫出場即自認是洗碗達人：「我最叻洗碗，快靚正！」言猶在耳，泳兒卻在第一回合即出洋相，其中一條問題是「百潔布應該用黃或綠色一面？」，泳兒說：「我洗咗十幾年碗都係用黃色。」而正確答案其實是綠色面，換言之泳兒一直用錯方法洗碗！經過一輪激戰，泳兒＋黃明德和許靖韻＋艾妮分別獲得700分，婆孫組合柏喬＋顏太則獲得1,300分先拔頭籌！

泳兒自認洗碗達人，但原來用錯方法洗咗十幾年碗，勁搞笑。

婆孫組合柏喬、顏太暫時領先。

大家都玩得好認真。

艾妮原來係常識達人，真係估你唔到。

明晚（4日）播出的一集，曾做過註冊護士的艾妮搶盡風頭！在最後的「終極搶答題」中，「常識達人」艾妮頻頻出招成功搶分，「咩性質清潔劑加落漂白水會釋出有毒氣體？」、「水費幾多個月結算一次？」、「香港單相電壓幾多伏特？」等問題完全難不到她，其中一題就連問題都未問完，艾妮不單極速答中答案，就連問題都能完美推理出來，非常誇張，森美大讚艾妮：「佢咩都識，男士見到都想娶！」向來搞笑的森美更即場拉紅線，問到素人柏喬對艾妮有沒有興趣，柏喬怕醜仔上身口窒窒，反而婆婆顏太對艾妮嗒晒糖：「得呀！得呀！」場面搞笑。另邊廂，身為同門師姐的泳兒全晚齋坐一條問題都答唔中，她面露難色說：「我驚嫁唔出！」想知道最終哪一隊勝出比賽？密切留意明晚播出的《HOME即是識》。

艾妮連問題都估得番出嚟，勁誇張。

柏喬變咗怕醜仔。

婆婆顏太就嗒晒糖。

泳兒笑言擔心自己嫁唔出。