娛圈事
Alfred表示想不到大家對他的關心都超乎了他能想像。
繼華納唱片回應跟許廷鏗（Alfred）已約滿後，Alfred都在社交網發長文交代約滿一事，他提到近來很多人對他講「加油」，成為他一直向前的動力，並正式確認跟華納唱片完成了4年合約。
網上圖片
Alfred指：「原本以為完成合約只是工作上的一件小事，就好像大家轉新工一樣普遍，不需要煞有介事地交代，想不到大家對我的關心都超乎了我能想像，所以還是覺得需要跟大家交代一下。」
網上圖片
網上圖片
形容對未來戰戰兢兢又期待的Alfred，似乎有意自組公司，「接下來的日子，會面對新挑戰，首先就是要跟自己的團隊好好打拼，沒有既定的公式，也沒有大規模公司的完善系統支援，就好像香港的小店一樣，努力發掘自己的空間，跟隨自己的步伐走出屬於自己的路，為香港樂壇找出更多的可能性。」
View this post on Instagram
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
