Ali表示搵緊一個令大家舒服啲嘅方式相處。
李佳芯（Ali）與河國榮擔任myTV SUPER節目《狗狗診療所》主持，Ali被問到還有沒有飼養男友陳炳銓的愛犬豆鼓？她說：「無喇！係佢（陳炳銓）嘅狗，晶片係寫佢名，當初係佢話鍾意，所以養。日常生活係佢負責多啲，但我之前都有放狗嘅。」
李佳芯與河國榮擔任節目《狗狗診療所》主持。
問到跟陳炳銓的關係？Ali說：「處理緊，搵緊一個令大家舒服啲嘅方式相處，所以處理緊。（已分手？）一路感情都好低調，我一直都講係好朋友。（過唔過到呢個情關？）唔可以叫過關，只希望搵個舒服方式相處、成長，我稱為一個關，但係要啲時間去處理。（幾耐無見？）呢排少咗見，關係一向都係咁。（冷戰緊？）唔係，絕對唔係。」
《狗狗診療所》共12集，從不同狗身上探討並處理不同問題。
河國榮13年後重返娘家，坦言是被節目主題所吸引。河國榮先後領養13隻愛犬，期間從牠們身上領略到不少知識，很想知道跟犬專家對比下有多大差異。河國榮透露已有12隻愛犬離世，大部分都是因病離世非常傷心，坦言有點抑鬱但未有就醫，因為時間可以沖淡一切。
河國榮被節目主題吸引回巢。
李佳芯由始至今都不認陳炳銓男友身份。
