咁古怪？
孫慧雪、關心妍、張美妮齊主持網上節目《靚媽圍爐》，今集大爆「陪月」經。
孫慧雪與囝囝。資料圖片
阿雪表示陪月完約後，請了一位非常特別的姨姨來湊B，「佢唔知點解好鍾意唔戴胸圍，又經常喺BB房只係着住條底褲行來行去……哈哈哈。我老公試過按開個CCTV想睇下個仔喺房做緊咩，就見到個姨姨……下半身無遮無擋。又試過個姨姨聽到我老公叫佢，突然喺浴室只係包條毛巾衝出來問佢咩事……嚇到我老公即刻話『冇嘢喇』掉頭走。」
孫慧雪請個愛露體陪月姨姨超爆笑。
張美妮就非常之肉赤，用9萬請了個不合拍的陪月。
張美妮慘慘花9萬請了個陪月來投訴她。
她表示當時即使辛苦都要餵人奶，但陪月就覺得「半夜三更你最好泵定奶放喺到」，不想半半夜坐定定等媽媽餵個幾鐘，還向美妮老公投訴，指美妮太緊張、沒泵奶備用，搞到美妮委屈爆喊，奈何已經簽了兩個月約，最後埋單9萬元，對方只工作了一個月。
張美妮。資料圖片
