做獨立歌手已花6位數積儲 何雁詩不排除重返星夢

何雁詩有意再簽唱片公司。

何雁詩（Step）最近推出新歌《灰夠》，以她過往一段慘痛愛情經歷做藍本，當時她曾為對方喊到眼腫，要長期擺定鐵匙羹入冰箱用作敷眼，現在已成幸福人妻的她，錄音也搞到情緒低落，好彩有好老公鄭俊弘呵番。轉型獨立歌手年多的Step，原來準備推出EP作小紀念後，暫未有推出新歌計劃，她直言因已花6位數積儲已快乾塘，有意再簽唱片公司，更不排除會重返星夢。

Step坦承要做獨立歌手付出不少，包括金錢和心力。

Step為宣傳新歌《灰夠》，大玩出浴露背。

Step新歌選擇以該段情作藍本，並非因特別深刻，只是太戲劇化，「我曾經有個另一半做咗好多壞事，我一直包庇佢，但睇唔到將來會開心，拖拉咗半年，我覺得嗰種痛係因為離開時仲係好愛佢。嗰段日子長期有堆匙羹擺喺雪櫃，因為朝朝隻眼腫到爆，如果有時冇羹試過用雪藏雞翼敷。嗰段時間真係好攰，成日鬧交鬧到好夜，第二日要拍劇會早兩個鐘起身雪眼，𠵱家諗番好無謂，初初痛會覺得暗爽嘅，愈痛愈愛，但痛過好多次就會知道齋得個痛，𠵱家唔需要吓吓咁戲劇化，可以日日好簡單咁樣。」

早前Step同老公鄭俊弘慶祝相識4周年，仲大讚老公送花有進步。 

為了節省資源，Step經常利用社交平台落力推歌。

最初Step搵歌時，講明要有點K歌feel，令樂迷有機會去爆，唱起來會好爽，她錄音時也覺得好正，但錄完後竟然要老公鄭俊弘安慰，「錄嘅時候係好爽，獨立之後錄得最快係呢首歌，但我預計唔到，呢首歌會帶咗啲唔開心情緒，唔係我未忘記呢段情，只係好想爆喊一鑊，我老公以前都冇見過我咁樣，但佢好願意聽，知道同我溝通會幫到我，我喊完就舒服番晒。」

為令外界更加容易投入歌曲，新婚的Step專登不參與MV演出。 

轉型獨立後的Step，每次拍MV都身兼多個身份。

《灰夠》將會收錄在Step即將推出的EP內，但她坦承這隻EP後，未知幾時會再推出新歌，「舊年3首歌加埋呢首夠4首出到EP，算係對自己獨立後少少嘅總結同紀念，因為都未有計劃出下首歌住，雖然寫咗啲demo喺度，有啲真係可以出，但資金問題，再咁出爹哋媽咪殺咗我，已經使咗大筆嘅6位數，銀行戶口真係好乾，我要搵多啲錢先得。」她坦言有意再簽唱片公司，跟TVB仍有經理人約的她，更不排除重返星夢，「公司之前都有問過我想唔想，我都唔係太清楚𠵱家星夢係點，有好多嘢慢慢傾，我覺得一間唱片公司最緊要我同佢睇法夾，我最大要求一年出3首歌，之前點解離開就係因為想有多啲作品，我入咗行超過10年，又就嚟30歲，都想keep住有多啲作品，唔係過多幾年就30幾，可能要生仔，呢幾年係要衝，歌星最緊要有歌出，希望有間公司會相信我嘅潛質。」她更自爆為搵錢出賣自私空間，「早前《新春開運王》話要拍我哋屋企，我最初唔想，但係話有兩個騷我哋即刻接，幾cheap呀！哈哈！」

Step感激每次出歌，老公鄭俊弘都會落力支持。

何雁詩第一次自己付款買的座駕，終於要斷捨離。

現年31歲何雁詩（Stephanie）與40歲鄭俊弘（Fred）於2020年結婚，並在前年誕下兒子Asher，一家三口住在有三房兩廳的大埔千呎豪宅。何雁詩入行初期已被父親有「物流大亨」之稱，生意遍及海外，身家估計至少6億元。而過著富貴生活的何雁詩對汽車亦非常狂熱，但近日竟貼出紅色座駕，並透露愛車要易主。

鄭俊弘與何雁詩2020年結婚

2022年1月誕下兒子Asher

一家三口好幸福！

好恩愛

何雁詩入行就被爆家境富裕

何雁詩在社交平台貼出紅色座駕的相片，並表示這個是自己首次花錢購入的汽車，但現在卻要向座駕告別：「我們一起度過很多美好的時光，你就是我想要的一切，美式肌肉車老實說是我的最愛，但是時候向前進發。希望你投靠到一個錫晒你嘅車主vroom on！」而何雁詩這個紅色座駕當年深受德國人歡迎，當時在香港的新車售價為619,000元。

變賣愛車

表示不捨。