私下加操練舞 ANSONBEAN與鄭欣宜首次合作獲大讚好

ANSONBEAN自言是秘密苦練將勤補拙。

ANSONBEAN獲安排與師姐鄭欣宜（Joyce）合作新歌《@princejoyce （featuring ANSONBEAN）》，首次合作的ANSONBEAN極具誠意親到拍攝現場探師姐班，且在一旁靜靜偷師。

ANSONBEAN帶蕉去探班。

ANSONBEAN說：「可以同Joyce合作真係好開心！雖然我同Joyce分開拍，但Joyce拍攝果日我都有去探班，不過我只係買咗啲香蕉俾佢，幫佢打吓氣。我一去到已經俾個好靚好壯觀嘅景嚇親，再見到著住套好靚舞衣嘅Joyce，佢手上的水晶長指甲又好靚，襯起佢好靚好型，搞到我望住佢都有少少緊張，所以只係敢同佢講叫佢加油呀！」

ANSONBEAN話被好壯觀的背景及欣宜的舞衣搞到有少許緊張，只同師姐講加油。

ANSONBEAN平時喜歡跳跳紥但其實非常勤力好學，當一知道要在新MV中演出便立即私底下加操練舞，「MV隻舞唔係好複雜，拍之前兩日開始學，之後我睇住Joyce個MV私底下練咗一日，所以拍攝時大家都滿意我表現，公司同事讚我學得快，其實係我秘密苦練將勤補拙。」

輪到ANSONBEAN拍MV。

私下加操了一日。

第一次正式入錄音室錄個人作品的ANSONBEAN說：「剛開始錄歌時我係有啲緊張，之後就進入狀態放膽咁唱，嘗試花啲心思放多啲自己嘅方法入去，又試吓扮厚啲聲扮大隻佬咁唱，搞到好似演戲咁花功夫。」

拍攝時大家讚好ANSONBEAN表現。

ANSONBEAN以「打遊擊」的方式拍新歌dance version。

陳毅燊（ANSONBEAN）上周五（3月22日）推出新歌《IMPATIENT》，新歌內容主要是想借藝人追女仔的角度，帶出其實所有人都可以將一些包伏或規則放下，才能更加赤裸去面對大眾。昨晚（3月26日）Anson以「打遊擊」的方式為他的新作拍攝dance version，一晚內走遍銅鑼灣Sogo 、中環摩天輪、天星小輪與文化中心等地，將香港特色呈現。

ANSONBEAN在街頭拍攝《IMPATIENT》MV dance version。

跳得大汗踏細汗！

吸引不少豆粉與市民圍觀。

除外套騷肌引圍觀者歡呼！

ANSONBEAN樂與市民互動。

Anson先在銅鑼灣拍攝，吸引豆粉與數十市民圍觀，能夠看到Anson現場跳舞，跳得大汗踏細汗，除下外套時有人更驚呼大隻！Anson說：「今次喺鬧市取景，同大家一齊互動、一齊玩咁，大家睇得好開心，我都覺得好開心。」其實今次拍攝的概念源自Anson最近愛上自導自演功夫短片，他笑說：「目前為止拍咗7條，好多人問點解喺街拍，因為冇錢租場，哈哈！其實因為成日都即興，又想用最低成本做到最想做嘅嘢，大家又睇得開心，都好多人因為睇咗我嘅片，知道我喜歡武術。」他續說：「所以今次新歌dance version都用呢個模式，希望可以將香港唔同地方呈現喺裏面。」

勁有型！

大派福利。

ANSONBEAN表示：「今次喺鬧市取景，同大家一齊互動、一齊玩咁，大家睇得好開心，我都覺得好開心。」