沙嶺殯葬城地盤距離深圳羅湖的商業購物區只有數百米。Google地圖截圖

熟悉中港兩地的高人話，內地的睇法就係，新界北區本應是大灣區融合發展的寶地，潛力幾大下，若果在深港之間「夾一個殯葬城」，實屬浪費黃金地段。香港的土地規劃和發展要與時並進，特區政府更不應抱持舊思維，固守「維港經濟圈」，抗拒兩地融合發展。

另一方面，本港樓價高企，死後「住屋」問題亦一直未能解決，的確有興建殯葬服務設施的需求。香港政府期望沙嶺「超級殯葬城」建成後，自2022年起分階段提供20萬個骨灰龕位、每年提供17,800個火化時段的火葬服務等。就有立法會議員話，這個項目已經用咗十幾億，仲專登改咗設計，深圳會睇唔到，好難不批。

不過熟悉內地政情的高人就認為，今時不同往日，如果明知道未來這塊地方是黃金寶地，當然就要有新的考慮了。否則一子錯，滿盤皆輸，到時想搬都難。