唔介意keep住合作 劉俊謙想同蔡思韵演母子

劉俊謙期待跟女友蔡思韵合作劇集《二月廿九》續集。

劉俊謙在疫情下雖然戲劇工作減少，但仍得到客顧支持，廣告和宣傳短片拍不停，他認為可能較有新鮮感，演出又冇乜框框，而得到客顧支持。對於將跟女友蔡思韵合作劇集《二月廿九》續集，他坦言好期待，更加唔介意keep住跟女友合作，更直言兩人可挑戰母子角色；而他對角色接受能力很高，不排除有裸露演出，但首先要視乎劇本。

劉俊謙跟蔡思韵因合作電影《幻愛》而撻着。

劉俊謙跟女友蔡思韵不時情侶檔接拍廣告。

對於獲廣告客戶垂青，劉俊謙認為勝在夠多元化，「之前我喺舞台劇做咗一段時間，但我喺影視圈相對係新，好多客戶同觀眾對我都唔係咁熟識，新鮮感固然提供到，同埋我相對上包袱比較細，冇要keep某種形象，會因應好多唔同客戶同導演需要，我可以放低好多形象去配合佢哋嘅形象，呢個不嬲都係自己好想做到多元化嘅演員。」

去年劉俊謙憑《幻愛》先後獲得「電影評論學會—最佳男演員」及「導演會—最佳新演員」。

南韓殿堂級電影導演李滄東，曾在「第十三屆亞洲電影大獎」奪得「終身成就獎」。

去年劉俊謙得到不少獎項，未來目標他最想有機會挑戰喜劇，以及跟韓國導演李滄東合作，「第一係喜劇，我拍啲影視作品相對上畀觀眾感覺好嚴肅，好沉重嘅角色，好攰㗎！我都想試吓啲喜劇或者輕鬆啲瘋狂啲嘅角色。我本身好鍾意韓國導演李滄東，佢嗰啲戲我全部都想做，我會覺得嗰種係好終極嘅嘗試，因為佢唔係嗰啲大眾好慣睇嘅電影，唔係追看性好強嘅電影，但佢對人嘅質感描繪好強。」

劉俊謙將會接拍ViuTV劇《二月廿九》續集，除吳海昕外還會跟女友合作。

其實劉俊謙身材好好，相信拍裸露戲唔會失禮。

劉俊謙即將在ViuTV劇《二月廿九》續集中再跟女友蔡思韵合作，他坦言不介意繼續跟女友合作，更提議兩人可挑戰敵對或者母子角色，「如果做到但係觀眾覺得好睇係好癲，母子而觀眾信喎！女友有套外國電影《墮落花》好鍾意，佢成日話好想做啲好型格嘅角色，如果佢做啲好似《攻殼機動隊》女主角嗰啲角色，我可以做隔離啲軍佬，操到200幾磅嗰啲。」他又強調不介紹嘗試任何角色或造型，就算演類型《色戒》的裸露戲亦可考慮，「李安係一個好大嘅誘惑嚟，我要點樣決定真係要睇個劇本啦！（經理人：可能導演見到佢身材就算啦！）你身材不好！哈哈！我係睇成件事，就算係個新導演，個劇本好好，而嗰場戲一定要裸露先呈現到，我覺得合理會再同屋企人同經理人傾，我係會故仔行先。」

劉俊謙坦言不排除有裸露演出，但要視乎劇本。

劉俊謙亦表示幾欣賞雲浩影，更大讚：「佢把聲有種清泉嘅感覺，當時歌唱比賽聽已經覺得呢個女仔係清泉。」

雲浩影（Cloud）新歌《慢性分手》MV由去年金像獎最佳剪接李謙明執導，更邀請港台兩地炙手可熱的劉俊謙擔任男主角，故事以一張梳化見證他們由熱戀到分手。最初他們開展同居生活，合力將梳化搬入屋，非常合拍，劉俊謙躺在Cloud大髀上的枕頭溫馨細語、拖手仔一齊聽音樂、在露台打情罵俏、互相偷拍對方生活照等，四周瀰漫著浪漫氣氛。之後感情轉淡，甚至決定分手，火燒梳化以結束關係，他們看著愛情灰飛煙滅，Cloud心痛得泣不成聲。

雲浩影新歌《慢性分手》MV邀請港台兩地炙手可熱的劉俊謙擔任男主角。

故事以一張梳化見證他們由熱戀到分手。

劉俊謙躺在Cloud大髀上的枕頭溫馨細語。

互相偷拍對方

之後感情轉淡，決定分手，火燒梳化以結束關係。

他們合力將象徵愛情的梳化搬走，路上明顯非常不協調，一個快一個慢，一個行一個停，甚至輪流發脾氣。但最後看著火光，愛情化為灰燼，他們都非常傷心。劉俊謙說：「呢對情侶要結束關係，梳化似係一個比喻，將大家嘅東西拖去燒咗佢，一齊搬，好辛苦、好吃力，有一方繼續想搬，有一方好攰唔想搬，拖拖拉拉，比喻情侶難免步入呢個關係。」Cloud說：「梳化喺呢個MV好有象徵意義嘅角色，兩個人搬入新居時傾吓張梳化擺喺邊，然後喺梳化上發生好多甜蜜溫馨嘅回憶，到最尾決定用唔到要丟咗佢，都象徵一段關係唔同嘅階段。搬梳化嘅過程會見到男女雙方步伐不一致、鬥氣、互相不體諒等狀況。」

二人合力將象徵愛情的梳化搬走，路上明顯非常不協調。

最後看著火光，愛情化為灰燼。

Cloud更心痛得泣不成聲。

Cloud更心痛得泣不成聲。

二人都非常傷心。

雖然MV結局非常傷感，但Cloud被型男劉俊謙的笑話氹得笑逐顏開，她說：「《慢性分手》呢首歌講述一對長期戀愛嘅男女，關係慢慢走到結束，比較傷感嘅MV，但因為有劉俊謙參與就變得唔係咁傷感。」點解呢？劉俊謙笑說：「本身我同Cloud唔係好熟，拍攝時諗住打開話匣子，講咗好多唔係幾好笑嘅笑話⋯⋯」Cloud立即安慰說：「其實都幾好笑嘅，大家都笑得出，同事仲叫我做好表情管理添！」續說：「阿謙好Nice好親切，最初我有少少緊張同埋怕羞，但佢好主動令到氣氛都冇咁尷尬，所以拍攝順利。」

雖然MV結局非常傷感，但Cloud被劉俊謙的笑話氹得笑逐顏開。

Cloud又大讚劉俊謙好Nice好親切。

令Cloud最開心的相信是劉俊謙踢爆父母是「迷雲黨」（Cloud歌迷暱稱），他說：「我爸爸媽媽好鍾意佢，當年歌唱比賽嘅時候，我哋全家人一齊睇佢唱歌。」Cloud受寵若驚，連聲多謝。他說：「我好耐冇喺香港拍MV，好榮幸可以參與拍攝，我自己都幾欣賞Cloud，佢把聲有種清泉嘅感覺，當時歌唱比賽聽已經覺得呢個女仔係清泉。」被當面稱讚，Cloud坦言尷尬。「劉俊謙好紳士、好體貼、好靚仔，拍攝時我都忍唔住同佢講：你真係好靚仔！不過，大家有無留意其實佢把聲好好聽呀！」

劉俊謙踢爆父母是「迷雲黨」。

劉俊謙指當年Cloud參加歌唱比賽時，全家人都一齊睇。

之前Cloud《回憶半分鐘》MV邀請日本靚仔合作，今次《慢性分手》MV有香港靚仔劉俊謙，下次Cloud想與哪個地方的靚仔合作MV呢？她想了一想，說：「法國，其實想同法國靚仔合作之外，最想去法國拍好浪漫嘅MV，話唔定會有啲犀利嘅嘢出現。」

觀看相關影片按連結：https://youtu.be/VHt8upfvSQ8?si=hzOokDVxFyLbou2W