樓主強調不會收取任何報酬，只希望物歸原主。
若手機不慎「機沉大海」，不少人都會打定輸數，跟手機講再見。不過，日前有市民到西貢潛水時，竟在水底拾獲一部手機，之後更在10小時內成功在網上尋回失主！
樓主約10小時後更新帖文，指在一眾熱心網民幫忙下，已成功尋回機主。「PLAYHARD玩硬」FB截圖
有網民在社交媒體Facebook群組「PLAYHARD玩硬」發文，指自己日前在西貢潛水時，在水底發現一個紫色防水袋，裡面裝有一部銀色iPhone 11 pro。樓主指，機主已更換新的SIM卡（電話智能卡），手機桌布亦只有一張嬰兒照，他亦相信手機內應有不少對機主而言很保貴的資料，於是急忙在網上發文尋失主，或希望機主的朋友看到的話可聯絡對方。
紫色防水袋內裝有一部銀色iPhone 11 pro。網民Zen Tsang圖片
樓主更強調不會收取任何報酬，只希望物歸原主，「希望失主可盡快拎返部電話」。
有市民在西貢水底拾獲手機，在網上發文後成功尋回機主。網民Zen Tsang圖片
帖文一出，不少熱心的網民立即幫忙轉發，最後經過約10小時，樓主便更新帖文，指已成功尋回機主，並約定歸還手機，他又感謝一眾網民的幫忙。
資料來源：「PLAYHARD玩硬」
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
