熟能生巧。
影片截圖
藝人鍾嘉欣自拍完TVB新劇《星空下的仁醫》後就返回家鄉加拿大，雖則劇集尚未出街，不過粉絲們都可以留意她的的YouTube頻道了解近況。鍾嘉欣則於最近的影片中駕車帶觀眾於加拿大觀賞櫻花，她更自爆學車的趣事。
影片截圖
她表示其實於17歲就考到車牌：「但其實考試前兩日，我爸爸教我泊車嘅時候，我扭晒軚轉備倒車，但我點知我冇撳到『倒車』，之後我一踩油就撞埋前面架車度，但我因為驚，我爸爸叫我『煞車』，但我就不斷踩油以為係煞車，前面架車個車尾直程凹晒。」此後鍾嘉欣就對開車有陰影，於香港生活時都無開車出入。
影片截圖
雖然鍾嘉欣於日常生活不開車，但演戲就難以避免，她表示在拍攝《溏心風暴》時更幾乎釀成意外：「嗰場戲係拍我揸車、停低、落車、跑，我當時以為自己做得到，但點知當時我落車，我唔記得撳『泊車』，架車繼續走，爭就就撞到個攝影師，我幾驚呀！好彩現場所有劇務呀或者係工作人員都立即跑過去熄咗架車，即刻開車門踩返個Brake，好驚險！」
影片截圖
自從她返去加拿大後，她才知道識開車是相當重要，所以她重考一次車牌，大幅提升駕駛技術，不過認路能力就一般：「我仍然係一個路癡，不過我努力緊，希望我可以認得路！」
鍾嘉欣在IG貼出攬着三個仔女的慶生照，就算老公未有出鏡，鍾嘉欣依然笑得幸福！
鍾嘉欣（Linda）在2015年與脊醫Jeremy結婚後育有兩女一子，婚後她移居加拿大並大幅減產，將精力專注在家庭，陪伴仔女成長。4月9日是鍾嘉欣的40歲生日，她在IG貼出慶生照，雖然老公未有出鏡，但在三個仔女的陪伴下，鍾嘉欣依然笑得幸福！
鍾嘉欣一家五口。
鍾嘉欣一向以家庭為先。
鍾嘉欣為仔女學滑雪。
今年，鍾嘉欣已經可以陪老公仔女一齊滑！
相中可見鍾嘉欣戴著生日帽，又攬着三個仔女，與插着數字「40」蠟燭的蛋糕合照，其中一張大女Kelly還向媽媽獻吻，冧爆鍾嘉欣！雖然已經踏入40歲，但鍾嘉欣一直都保養得宜，顏值與當年選華姐分別不大，依然好靚女！而兩個囡囡都遺傳了媽媽的美貌基因，越大越似媽媽，至於囝囝亦遺傳了爸爸強勁的基因，不但樣貌似爸爸，連頭髮的濃密程度都與爸爸一樣！
鍾嘉欣踏入40歲。
獲大女錫錫的鍾嘉欣甜入心。
三個小朋友顏值都好高！
鍾嘉欣還以英文留言：「我有我的家人和朋友，我們都很健康，我是世界上最幸運的女孩，為40歲乾杯！」不少圈中好友，包括王君馨、李施嬅、楊茜堯、陳茵媺、鄧佩儀、胡定欣、胡杏兒等都留言為壽星女送上祝福，網民亦紛紛留言祝賀，除大讚她完全不似已經40歲，又讚兩個囡囡同媽媽一樣靚女，「女兒和你一樣樣」、「第三張中間的小女孩好像嘉欣姊姊」、「Kelly越來越漂亮了跟媽媽好像」。
