博客文章
85歲的合和實業主席胡應湘向來以敢言見稱，早前在報章撰文，指特首沒有聽意見。
早兩天特首約商界人士見面，講解完善政制問題。林鄭一見胡應湘出席，就主動同佢講，話「Sir哥頓，當年我做發展局局長時，你就提意見說在灣仔起行人天橋，我都聽咗你意見嘞，做咩嘢話我唔聽意見?」
合和實業主席胡應湘。資料圖片
Sir哥頓即時回應，說當年政府最後的確批准起行人天橋，但行人天橋上蓋就要計入地積比率，但我附近項目根本已興建完成，那有多餘地積比率可騰出起行人天橋上蓋呢? 結果唯有補地價給政府。」
Sir哥頓言下之意，是「特首你雖然說你聽意見，但最後都係我出錢埋單。」據地產界人士說，合和應該就天橋上蓋補了2000萬元地價，才搞掂那條行人天橋。
Sir哥頓年老敢言，真係見到特首都無面俾了。
Ariel
** 博客文章文責自負,不代表本公司立場 **
近日，港府近期將規劃多年的沙嶺「超級殯葬城」項目提交立法會審議，預計2022年落成。由於「超級殯葬城」位處邊境、與羅湖商業區相隔僅數百米，消息好快引起社會反彈，深圳市民相當不滿香港將厭惡型設施放到深港交界處。
「超級殯葬城」距離深圳羅湖商業區只有數百米，引發網民不滿。
睇返建築地盤的位置，距離深圳邊境的羅湖商業購物區最近只有幾百米距離，而距離萬象城、KK Mall等大型購物中心相距大約1公里。
內地YouTuber「司馬南」批評港府，「只考慮香港人的感受，不考慮深圳人的感受」。
好多內地網民認為，新界北區和羅湖一水之隔，深圳方面也已提出在羅湖打造「大灣區免稅城」、「國際醫療中心」等規劃。特區政府不僅未有配合有關規劃，還利用這麼接近深圳的旺區來搞殯儀設施，簡直相當浪費。這不僅未有考慮深圳市民感受，更阻礙區域發展，是毫不負責、毫無遠見的行為。
沙嶺殯葬城地盤距離深圳羅湖的商業購物區只有數百米。Google地圖截圖
熟悉中港兩地的高人話，內地的睇法就係，新界北區本應是大灣區融合發展的寶地，潛力幾大下，若果在深港之間「夾一個殯葬城」，實屬浪費黃金地段。香港的土地規劃和發展要與時並進，特區政府更不應抱持舊思維，固守「維港經濟圈」，抗拒兩地融合發展。
另一方面，本港樓價高企，死後「住屋」問題亦一直未能解決，的確有興建殯葬服務設施的需求。香港政府期望沙嶺「超級殯葬城」建成後，自2022年起分階段提供20萬個骨灰龕位、每年提供17,800個火化時段的火葬服務等。就有立法會議員話，這個項目已經用咗十幾億，仲專登改咗設計，深圳會睇唔到，好難不批。
不過熟悉內地政情的高人就認為，今時不同往日，如果明知道未來這塊地方是黃金寶地，當然就要有新的考慮了。否則一子錯，滿盤皆輸，到時想搬都難。
