前後三人護駕 余香凝佗「巨嬰」Look出巡

大肚婆出門係要小心啲！

27歲的余香凝（Jennifer）於去年11月閃嫁40歲有米男友陸政渡（Tim），並於聖誕節公佈佗B喜訊，預產期為夏天。由於醫生指胎兒偏細，Jennifer為谷「大肥B」開始密密食增肥，話咁快體重暴升30磅，婚戒戴唔上之餘，連着鞋着襪都要老公幫忙！

Jennifer於去年11月下嫁40歲有米男友Tim，並於聖誕節宣佈造人成功。

未升呢人妻兼準媽咪前，Jennifer的身材肉肉哋，好均勻。

Jennifer去年貼出水着照騷腿，卻遭網民以「象腿」作攻擊，但EQ高的她自言不是「火柴人」，也會學識接受自己。

因佗B發胖的Jennifer連咪咪亦明顯升Cup！

Jennifer早前於社交網晒「自豪的肥臂」照，當時仍以長裙遮發脹的下身。

自嘲「養胎如養豬」一樣不停食的Jennifer，於日前傍晚6時許，與老公、媽咪和細妹現身時代廣場Citysuper買嘢食，繼續食飽啲儲肥自己同BB。兩母女在Royce專櫃揀完一輪後，最終買了一盒抹茶味朱古力威化及一盒榛子鮮奶油味朱古力威化，合共210蚊。

余媽媽陪Jennifer揀甜品，最終買了抹茶味和榛子鮮奶油味的朱古力威化各一盒。

可能見超市內人多擠迫，所以Tim一支公入超市買埋其他餸及日常用品，而Jennifer就企喺店外，跟媽咪、妹妹余潔滢一邊吹水一邊等老公，傾傾吓余媽媽仲忍唔住摸吓囡囡個「巨肚」。等了20分鐘，買齊嘢的Tim便拎住膠袋和太太的手袋，率領3位女士步行到登龍街金朝陽中心二期食晚飯。

身高174cm、穿娃娃裝的Jennifer拎住袋朱古力威化，企喺超市門外同家人邊吹水邊等老公。

同囡囡傾傾吓，余媽媽忍唔住摸吓Jennifer個「巨肚」，恨抱孫恨到流晒口水喎。

為免沿途俾人撞親大肚愛妻，Tim和姨仔Zoe分別前後夾住Jennifer，余媽媽就負責捉實囡囡手仔行街，十足太后出巡一樣！不過，身高174cm的Jennifer挺住籮咁大的孕肚，仲着條剛剛好遮住Pat pat的淺綠色超迷你娃娃裙，隨風飄起幾乎走光，真係睇見都戥佢「牙煙」，加上懷孕水腫，一雙40吋長腿亦明顯暴脹！

腹大便便的Jennifer儼如太后出巡，全程獲媽咪扶實及老公、細妹前後夾住行，避免俾途人撞到。

食足兩小時，Tim便拖住老婆去駱克道拎車走人，見其手上抽住袋外賣，估計是準備定半夜餵飽老婆；最後登上7人車，由佗住巨肚嘅Jennifer負責揸車。

買完嘢食，Tim便帶3位女士步行到金朝陽中心二期食晚飯，沿途仲幫太太拎手袋。

離開時，目前懷孕7個月的Jennifer充當司機載一家人返屋企。

《白日之下》團隊在典禮結束後舉行慶功宴

「第42屆香港電影金像獎」頒獎典禮4月14日舉行演員余香凝、梁雍婷與姜大衞憑電影《白日之下》奪得「最佳女主角」、「最佳女配角」和「最佳男配角」獎項。《白日之下》團隊在典禮結束後舉行慶功宴，姜大衞指會將這個獎項送給結婚50周年的太太李琳琳，對於攞獎太太的反應，姜大衞則笑言：「個獎係佢嘅、唔係我嘅！」

余香凝（左）、梁雍婷（右）與姜大衞（中）憑電影《白日之下》贏得「最佳女主角」、「最佳女配角」和「最佳男配角」獎項（本網記者攝）

余香凝（右二）、梁雍婷（左一）與姜大衞（右一）憑電影《白日之下》贏得「最佳女主角」、「最佳女配角」和「最佳男配角」獎項（本網記者攝）

姜大衞與太太李琳琳、弟弟爾冬陞、兒子姜卓文及兒子的女朋友Chelsea出席慶功宴。（本網記者攝）

姜大衛將獎項給太太李琳琳（本網記者攝）

本網記者攝

出爐「影后」余香凝感謝老公一直以來對她演藝工作的支持，並笑指老公亦會非常樂意協助與影后對稿：「嚟緊有新角色，都係搵佢對稿，我都覺得佢好攰，又要湊仔，所以唔生喇。」亦不忘感謝女兒的支持：「聽日瞓醒嘅時候就將條片畀佢睇，媽咪多謝妳啊！」並透露在典禮前女兒有同她講加油，還錫一啖鼓勵！對於「影帝」梁朝偉未能到場一起與影后攞獎，余香凝坦言知道對方在外地為新戲準備，且在導演會頒獎禮上已經一齊得獎並合照了。

余香凝透露女兒有獻吻鼓勵（本網記者攝）

感謝老公一直的支持！（本網記者攝）

獲頒「最佳女配角」梁雍婷被問到是否希望原班人腳開拍新片，她表示導演簡君晋將會開拍新劇，如果可以一齊拍劇也很開心，並相信已故的恩師廖啟智知道自己奪獎會感到開心，但亦覺得其實攞獎只是額外收穫，好的演員不應該去追逐獎項，而是對演出盡責任。

梁雍婷唔係只追獎項，要對演出盡責任（本網記者攝）

本網記者攝